O leetar ole Pool a bindna GIMU WE NGENNA ROM 3:31 - NQAARIIT NE ROOG

³¹ Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

O leetar ole Pool a bindna GIMU WE NGENNA ROM 3:31 Referans Kwoze

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

Mace 5:17

«Ba nu mboog ee kaam laafiid kebil ke Moyiis mbaat ke duleer we a mbindna. Garaam, refee yee ndax um laaf a Pind ake, ndaa ndax um fadin a den.

1 Korint 9:21

Um refangaa a ndeer no we ndeefeerna kebil ke Moyiis, kaam ñoowtaa nen a den (too maad no kebil ne Roog a dalinna na Yeesu Kiristaa), ndax weene a ngim no ten.

O leetar ole Pool a bindna GIMU WE NGENNA ROM 10:4

Mee ndax Kiristaa refu muukandoong ne no kebil ke Moyiis, ndax fop we ngimna a njofandel mbaambir Roog.

O leetar ole Pool a bindna GIMU WE NGENNA ROM 8:4

Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.

Galati 2:19

No ke jofna no kebil ke koy, kaam nand nen o qon oxaa andoona yee kebil ke sax mbarun, ndax um waag o ñoowan a Roog. Rengandooreem na kurwaa fa Kiristaa.

O leetar ole Pool a bindna GIMU WE NGENNA ROM 7:25

Yeesu Kiristaa fee o Yaal in oo! Yaasam Roog a ɓoxotel o ngidim no ten! Neene boog, na pexey o jeg-yiif es kaam nananaa kebil ke Roog, ndaa no cer es koy, o paɗ no ke bakaad fee a heblaa refum.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

O leetar ole Pool a bindna GIMU WE NGENNA ROM 4:14

A soƥangaa yee o kiin kaa daawaa lam ne yaam ne ta reefaa kebil ke, yaaga o ngim onqe kasaara yoo, too a tegit ale Roog a ñufe.

O leetar ole Pool a bindna GIMU WE NGENNA ROM 3:4

Muk! Boo o kiin oxuu refna a maaɓaa yoo, yaqanee Roog a layaa ndigil, ne a Pind a Tedu ke a laytuuna no ten ee: «Xan o andtel o jof na fa lay of, too oxuu layoorna fa wo xan o ɓurin.»

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

Esayi 42:21

Kam o cofel um kaa fel o Yaal oxe ta dalin kebil um da magin too a njeg o ndam.

A kim a tedu ke 119:126

O Yaal oxe, fadaa o fesoor tig, yaam a cangin of a ƭape.

A kim a tedu ke 40:8

Ten taxu um lay ee: «Mexey, garaam! Ke waruuma o fi, soƥaam ta bindel kam a pind a tedu ke.

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»

O leetar ole Pool a bindna GIMU WE NGENNA ROM 2:20

ref o caajangin no we ñakna a qoox, ref o yaayar na xa teɓandoong. Yaam ne jegoona kebil ke, kaa o hooloox ee daawaa o and ole fo ndigil ne.

O leetar ole Pool a bindna GIMU WE NGENNA ROM 3:6

Muk! Nam a waagkoogu o hate’it adna fee boog?