O leetar ole Pool a bindna GIMU WE NGENNA ROM 3:26 - NQAARIIT NE ROOG

²⁶ Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

O leetar ole Pool a bindna GIMU WE NGENNA ROM 3:26 Referans Kwoze

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

O leetar ole Pool a bindna GIMU WE NGENNA ROM 8:33

An saɗu moof a jambaa we Roog a jilna? O leng saɗiran, yaam Roog o mat ɗeetu a den nen jofu.

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Esayi 42:21

Kam o cofel um kaa fel o Yaal oxe ta dalin kebil um da magin too a njeg o ndam.

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

YEGIL MBAAX NE YEESU ne Lik a bindtuuna 1:80

Maaga, o ndeɓandoong onqe a maakooga, too a moƴ o jegaa yiif. Kam a koƥ-a-ƥor ale a gen’u, boo na bes faa ta geenooxna mbaambir Isra’el.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

O leetar ole Pool a bindna GIMU WE NGENNA ROM 3:27

Mam o kiin a waagu o fakoorit? Sen! Xeƈa yaa ta fadnaa ke kebil ke a simitna? Boo muk! Fak le kaa sutel yaam o ngim onqe.