O leetar ole Pool a bindna GIMU WE NGENNA ROM 3:25 - NQAARIIT NE ROOG

²⁵ Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

O leetar ole Pool a bindna GIMU WE NGENNA ROM 3:25 Referans Kwoze

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

O leetar ole Pool a bindna GIMU WE NGENNA ROM 5:9

Ndiiki koy kaa i ƭeeteel nen jofu yaam fo’oy le ten ɓaxeena. Ten taxu i mbaagkaand o ñak o mucil itam no fuux le Roog na pexey um.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

Hebre 10:4

yaam a woora yee fo’oy le no qoox ke fo le na suk paal ake, waagee o forit pakaad ke muk.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

A kim a tedu ke 22:31

Xa taan den xan a mbaɗooxin, suk nuu ndimeena a layel paru no Yaal oxe.

A paɗax ale 16:15

Cinj kaaga, fat a xiris suk fambe le na ɓoxotkeel yaam pakaad ke na xeet fee soo a ɓisloox fo’oy le no mbiñ onqe moƴna o ted. Fat a fi fo fo’oy leene ne ta fi’na fo fo’oy le no nqoox onqe, a wiisin took o afnir-o-fortand ole fo mbaambir o afnir-o-fortand ole.

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Hebre 11:14

We na laytaa neene koy, kaa laltaa a qool qac ee waa na mbaaƭaa mbaafaap a ndefu.

A kim a tedu ke 119:142

O cofel of xan a ref boo faw, too a cangin of ndigil kak oo.

1Saŋ 1:10

Boo i layna yee i naangee o mbakaadaa, kaa i maaɓnan, too fa lay um refee na in.

Hebre 11:17

O ngim tax’u Abraham a ɓoxot a Isaak fee o ƥeem nen sadax, ye Roog a ɗeetlooxan. Abraham feene o mat, Roog a coox’u ndegit ne, ndaa yaqanee ta fapooxan o ƥiy o leng kut onqe ta jeg’ina, ndax ta ɓoxotin nen sadax.

Hebre 9:5

Took arka ne a jeg’a pindel yeeyetax qawte wurus kaa yookoogna o afnir-o-fortand ole, a laltaa o magnel ole Roog. A nafir ake den kaa yooroox’u me fo’oy le a wiisoogeena ndax ta ñuf a qaw ale Roog no pakaad ke. Kaa koy, refee yee ndiiki i layitkaa keene fop.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

O leetar ole Pool a bindna GIMU WE NGENNA ROM 5:11

A jega kaa doonooxna no keene itam: Kaa i mbakooxaa na Roog yaam o Yaal in Yeesu Kiristaa fee jofoorandna a in fo ten.

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

A pi ake 4:28

Neene o mat a fadnitu ke yuuɓ’oona yaaga no katil of fo no bug of.

A pi ake 3:18

ndaa Roog fadnitu neene ke ta yegnit’ina yaaga xewafulee na xa ton no duleer we fop, ye da layna yee o Muumucil oxe ten regteena a wara o coono.

A pi ake 15:18

Keene mat o Yaal oxe a layu, too ten andnoorun no mberaand naa.› »

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

YEGIL MBAAX NE YEESU ne Saŋ a bindtuuna 6:47

No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

A kim a tedu ke 97:6

Asamaan fee kaa yegnitaa o cofel um, soo qeet ke fop a nga o ndam um.

A kim a tedu ke 50:6

Asamaan kaa yegnitaa o cofel um, yaam Roog refu o Kaahate. A maaf

A kim a tedu ke 40:10

Kaam yegnitaa kam mbokatax maak ne no gimu we o nan o felu le no cofel ole. Ga’aano, maariim o don es, andaano sax, wo o Yaal oxe.

A paɗax ale 16:10

Suk le mbanjang ne sutanna a Asasel, fat a fi’tel njofoorand ne. Boo ta helko fo ɓisaneel a Asasel, fat a geennel ñoow mbaambir no Yaal oxe.

A kim a tedu ke 98:2

O Yaal oxe a andnoora a muc um, a feeñil qeet ke o cofel um.

A pi ake 14:16

No camaane ke mbaafna, Roog feene kaa xaƴ’u qeet ke fop da ndeefaa a ƭat a qoox den.

O leetar ole Pool a bindna GIMU WE NGENNA ROM 5:18

Tooñ no leng kut oxaaga taxu a qaw ale a dal took no wiin we fop. Neene itam, na pexey a pi a cofu leng kut ale no xeene, o cofel ole Roog kaa ci’aa wiin we fop o ñoow.

1 Korint 5:7

Ngela ƥogyo pakaad nuun, ndax poɗaxnir kiid ke a mbat, nu ndefat nqiiw nqas. Nu saqatee poɗaxnir sax, yaam Kiristaa refu mbaal in ne wareena na bes fee na Colandax ale.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 2:13

Kaa koy, ndiiki, yaam ne nu mbogatna fa Kiristaa Yeesu, nuun we andoona yee yaaga kaa nu ngoƭ’u, nu matiidata na pexey fo’oy le Kiristaa.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.