O leetar ole Pool a bindna GIMU WE NGENNA ROM 3:23 - NQAARIIT NE ROOG

²³ Fop a mbakaada boo a ñak o ndam onqe Roog,

O leetar ole Pool a bindna GIMU WE NGENNA ROM 3:23 Referans Kwoze

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

O leetar ole Pool a bindna GIMU WE NGENNA ROM 3:9

Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

O leetar ole Pool a bindna GIMU WE NGENNA ROM 11:32

Neene, Roog kaa fi wiin we fop faɗ no nanaƭar ne, ndax ta lal a den yirmande um, den fop.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

2 Tesalonik 2:14

O xoy ole o Yaal oxe a xoyna a nuun na pexey Yegil mbaax ne in kaa tekit ee: Ngaryo njeg a las nuun no ndam onqe no Yaal in Yeesu Kiristaa.

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

O leetar ole Pool a bindna GIMU WE NGENNA ROM 5:2

No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

1 Maad we 8:46

Xeet of a mbakaadangaa na wo, yaam jegee o kiin oxaa bakaadkeerna, boo o fuuxan a den soo ɓoxot a den fañ den, da ƥis a den gilaa saax took o hup doole, ta goƭ mbaat ta mat,