O leetar ole Pool a bindna GIMU WE NGENNA ROM 3:20 - NQAARIIT NE ROOG

²⁰ Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

O leetar ole Pool a bindna GIMU WE NGENNA ROM 3:20 Referans Kwoze

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

O leetar ole Pool a bindna GIMU WE NGENNA ROM 3:28

I anda yee, o kiin, na pexey o ngim a joftu mbaambir Roog, ndaa refee yaam ne ta reefaa ke kebil ke a simitna.

Galati 2:19

No ke jofna no kebil ke koy, kaam nand nen o qon oxaa andoona yee kebil ke sax mbarun, ndax um waag o ñoowan a Roog. Rengandooreem na kurwaa fa Kiristaa.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

O leetar ole Pool a bindna GIMU WE NGENNA ROM 9:32

Xar taxun koy? Kaa mbaaƭoogu o mbel a Roog na pexey a pi den, a mbañin o mbaaƭit na pexey o ngim onqe. Ten taxu yoo da mbaɓ ɓil le na tolofnooraa.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

Galati 5:4

Nuun we na ndeefaa ke kebil ke a layna, ndax Roog a ɗeet a nuun nen jofu, nu nqaaje fa Kiristaa, too nu ñaka yirmande fee Roog itam.

O leetar ole Pool a bindna GIMU WE NGENNA ROM 5:13

Bakaad a reeƭa kam adna fee yaaga Roog cooxafulee a Moyiis kebil ke, ndaa ye kebil ke a ngarafuleerna, Roog ɗeetoogee bakaad fee.

A kim a tedu ke 130:3

O Yaal oxe, boo geek’oona no yiif of tooñ ke, o Yaal oxe, an daɗkoogu hate of?

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

Ke bindeena no xe ne’eena YOB 15:15

Roog a hoolooxangee malaaka ke ten, asamaan fee a xoolangee mbaambir um,

O leetar ole Pool a bindna GIMU WE NGENNA ROM 7:11

Bakaad fee kaa jegit o gom no kebil ne, a naxaam, soo a wartaam o ten.

1 Korint 15:56

O feen ole fa nqon a wartaa refu bakaad, sañ-sañ bakaad a ref no kebil ke.

Hebre 7:19

yaam kebil ke Moyiis mbaagee o tax o leng a ñak sik. Kaa koy, yaakaar ne moƴna a jega, too a taxa i matiid a Roog.