O leetar ole Pool a bindna GIMU WE NGENNA ROM 3:13 - NQAARIIT NE ROOG

¹³ Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,

O leetar ole Pool a bindna GIMU WE NGENNA ROM 3:13 Referans Kwoze

A kim a tedu ke 5:9

O Yaal oxe, ɗoxaam kam o cofel of yaam fañ we mi. Fodrandanaam a ƭat ale bugoona um reef.

A kim a tedu ke 140:3

na yuuɓaa na qeeñ den paaxeer ƥor, a oraa mbaagraƭar bes fuu refna.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

Heseki’el 13:7

Ndax peeñil ke nu njegna ndefee xa koɓong, soo yegnit ke nu layaa a ndef xa maaƥ xa ƥor? Kaa nu layaa yee: ‹O Yaal oxe layun!› Too yaaga fop oo layiim dara.

Esayi 59:3

yaam xa ƥay nuun kaa yedin, qol nuun a ndoɗig yaam tooñ, too nu yaƥatangaa, xa maaƥ taxun mbaat njofaƭar.

A kim a tedu ke 52:2

Kaa naxooxaa ngenar ne Doweg, o Ee-edoom oxe, ye oxeene a hoƥattiidna me Sawul ee Dawid kaa ret’u maa Ahimelek.

O leetar ole Pool a bindna GIMU WE NGENNA ROM 3:4

Muk! Boo o kiin oxuu refna a maaɓaa yoo, yaqanee Roog a layaa ndigil, ne a Pind a Tedu ke a laytuuna no ten ee: «Xan o andtel o jof na fa lay of, too oxuu layoorna fa wo xan o ɓurin.»

Yeremi 5:16

A tungaar ake den kaa nandtaa a mboy a betooxu, too den fop a salma-koor a ndefu.

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

A cangatin ale 32:33

Biiñ den kaa ref daŋat fangool, daŋat saamaand tigi.

O leetar ole Pool a bindna GIMU WE NGENNA ROM 3:12

Fop kaa ƭap a ƭat ale, soo a mbokatoor, a laawoox. Jegee oxaa na fi’aa paax, jegee o leng sax.