O leetar ole Pool a bindna GIMU WE NGENNA ROM 3:12 - NQAARIIT NE ROOG

¹² Fop kaa ƭap a ƭat ale, soo a mbokatoor, a laawoox. Jegee oxaa na fi’aa paax, jegee o leng sax.

O leetar ole Pool a bindna GIMU WE NGENNA ROM 3:12 Referans Kwoze

A kim a tedu ke 14:3

Fop kaa ƭap a ƭat ale soo a mbokatoor, a laawoox. Jegee oxaa na fi’aa paax, jegee o leng sax.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

Esayi 59:8

Andee a ƭat jam ale too o cofel reefee a den. A ƭat a quƴooxu ke moƴanu a den, too oxuu xotna a ƭat akeene, ga’kee jam boo muk.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

O baawaare xe 7:29

Kaa koy, ke ga’uuma refu yee: Roog kaa sak wiin we da njof, ndaa den o mat kaa njafeñin tige.

1 Piyeer 2:25

Yaam kaa nu nand’u nen fo mbaal fo mo’u, ndaa ndiiki nu nomtooxa me no xe na gayaa, too a yetooxaa xa laaw nuun.

Filemon 1:11

Andaa yee yaaga, jegan’irang o njiriiñ, ndaa ndiiki a jegata o njiriiñ na mi fo na wo.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Mberaand 1:31

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

Mace 25:30

Ndeɓyo o paɗ o cegee njiriiñ oxe tafil kam o niɓaan ole maa xa lool fo ƈaxrand a ñiiñ a ndefkaa.› »

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

A kim a tedu ke 53:1

O yaal a ƭat ale no jeejeek we a xoolne yee a kim alene kaa yoonandteel a liit, a ref a cangtax alaa fogna na ke Dawid.

A sutax ale 32:8

Kaa ñof o ƭap a ƭat ale joox’uuma a den, a njaw wurus, a mbi’in o nqeel, a ngungaa mbaambir um, a ƥoxotan sadax soo a mbuuqaa yee: ‹Isra’el, roog ke in owey, sutna a in no saax le Misira.› »

A kim a tedu ke 53:3

Roog kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.

O leetar ole Pool a bindna GIMU WE NGENNA ROM 3:11

O leng jegee yiif, jegee oxaa na waaƭaa a Roog.

O leetar ole Pool a bindna GIMU WE NGENNA ROM 3:13

Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,