O leetar ole Pool a bindna GIMU WE NGENNA ROM 3:11 - NQAARIIT NE ROOG

¹¹ O leng jegee yiif, jegee oxaa na waaƭaa a Roog.

O leetar ole Pool a bindna GIMU WE NGENNA ROM 3:11 Referans Kwoze

A kim a tedu ke 53:2

Oxe na layaa taa kam um ee: «Roog jegee», yoqit oo. Fop kaa laawoox, a mbi’aa njofaƭar naa o leng a andeerna, too jegee o leng oxaa na fi’aa paax.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Esayi 65:1

«Jaɓataam waa ƈufginooroogee-raxama a mbaaƭaxam, soo waa mbaaƭoogeeraxama a nga’aam. Layaam waa nqoyoogaandeena xeet es ee: Mexey, mexeya!

Esayi 55:6

Mbaaƭyo o Yaal oxe, yaa ta waageena o ga, ƈufginooxeenoo, yaa ta refna paam nuun.

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Mace 13:19

O kiin a nanangaa fa lay fee no Maat ne, too andee ke ta tekitna, o paaxeer oxe kaa garaa soo a watin ke duufeena kam xeeñ um. O kiin oxeene nandu fo ax ke yenna kam a ƭat ale.

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Xa peƭit axe 1:22

«Nuun we ndaƥna a yiif, kaa nu ndefkaa no raƥ yiif boo a mban? Nuun xaaxaadnax we, kaa nu mbugko nqaadnooxaa boo a mban? Nuun panxoy ke, kaa nu mbugko sibaa o and ole boo a mban?

Xa peƭit axe 1:7

O and no saɗar o Yaal oxe a eettaa. Fanxoy soom na xeefaa o jeg-yiif fo a cang.

A kim a tedu ke 94:8

Mbootooxyo boog, nuun wiin ɓodaxu we! Nuun panxoy ke, ndi a mban nu andkaa tig?

A kim a tedu ke 53:4

Fop kaa ngoƭ a Roog soo a mbokatoor, a laawoox. Jegee oxaa na fi’aa paax, jegee o leng sax.

O leetar ole Pool a bindna GIMU WE NGENNA ROM 3:10

Keene a Pind a Tedu ke a ne’oogu ye da layna yee: «Jegee oxaa jofna mbaambir Roog, refee o leng sax.

O leetar ole Pool a bindna GIMU WE NGENNA ROM 3:12

Fop kaa ƭap a ƭat ale, soo a mbokatoor, a laawoox. Jegee oxaa na fi’aa paax, jegee o leng sax.