O leetar ole Pool a bindna GIMU WE NGENNA ROM 2:9 - NQAARIIT NE ROOG

⁹ Xan coono fo o njakad a ndal took o mbindeef onquu na fi’aa paaxeer, a eetit no Yaawuur we, soo we ndefeerna Yaawuur a ndoonoox.

O leetar ole Pool a bindna GIMU WE NGENNA ROM 2:9 Referans Kwoze

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

Heseki’el 18:4

Xa laaw axe fop mi jegu a den, o laaw ole na faap fee nen ole no ƥiy onqe, mi jegu a den. O laaw o baabakaad ole rek na saŋkooxkaa.

2 Tesalonik 1:6

Ndigil oo kañ: Roog kaa rabdaa naqad we na naqadilaa a nuun,

O leetar ole Pool a bindna GIMU WE NGENNA ROM 9:24

Yaam in ndefu we ta xoyna, refee soom a ndeer no Yaawuur we ndaa a ndeer no qeet lakas ke itam.

O leetar ole Pool a bindna GIMU WE NGENNA ROM 2:10

We na mbi’aa paax fop o mat, xan Roog a ci a den o ndam fo o niwel fa jam, a eetit no Yaawuur we, cinj kaaga no we ndefeerna Yaawuur,

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

O leetar ole Pool a bindna GIMU WE NGENNA ROM 10:12

Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

A pi ake 28:28

Pool a ɓaata teen ee: «Andyo boog ee we ndefeerna Yaawuur a mboga no we taxna waare feeke na muc ale Roog a lultel. Xan da nan-gilooxin!» [

A pi ake 28:17

A cinj a pe a tadak, Pool a xura maak waa no Yaawuur waa Rom fop. Ye da mbokatoorna, a laya a den ee: «Fog es, ke ɗapeeruuma xeet es a ƭat fop oo, o mbaax onqe no daan we in ne’aand, yaqanee kaam dam’el na teeru faa Yeerusaleem, soo ɓoxotel na xa ƥay axe no Roorom we.

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

2 Caloori ke 6:23

nan-giloorti na asamaan soo hate dag of, ndax o xaw oxe tooñna, rabdin a pi um, o cofu xe mat, o nomtin o cofel um.

A kim a tedu ke 32:10

O soxodu xe, coono ƥor mbodun mbaambir, oxe hoolooxna o Yaal oxe o mat, o mbeq um kaa widin.

Xa peƭit axe 11:23

Ke jofu we a nqememaa paax soom a rimaa, ke soxodu we a mbugna mat a oraa mbañir.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

O leetar ole Pool a bindna GIMU WE NGENNA ROM 8:35

Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?