O leetar ole Pool a bindna GIMU WE NGENNA ROM 2:8 - NQAARIIT NE ROOG

⁸ Xan fuux le Roog fo a qaw ale ten a ndal took no we na mbaaƭaa o njiriiñ a qoox den soom, a nanaƭaran ndigil ne, soo a njaɓan njofaƭar ne.

O leetar ole Pool a bindna GIMU WE NGENNA ROM 2:8 Referans Kwoze

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

1 Piyeer 4:17

Yaam kaa ref waxtu faa hate fee a xotitkaa no mbind ne Roog. A refangaa yee na in a eetitkaa, xar na refkaa muukandoong no we mbañna o ngim Yegil mbaax ne Roog?

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

Xa peƭit axe 13:10

A magnandax qasir doŋ a oraa, o nan-gilooxaa xa as axe mat a ref o jeg-yiif.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Hebre 11:8

O ngim tax’u Abraham a jaaɓ o xoy ole Roog, a ret no saax jan le Roog a reg’uuna. Naaga, Abraham a reta, too andee me ta hakkaa.

Hebre 10:27

Diid soom i yoqɗe, yaa andoona yee kaa i cungaa ke na xewkaa, ta ref hate fee fa fiɗel fo saasu le na duguñkaa fañ we Roog.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Tiit 3:9

Kaa koy, wootooxi ñimatir ƭooɗofir ke, fañ o ñimatireel o njaangooƈ, fañ o xasreel. Ba o xasir fo o kiin muk yaam kebil ke Moyiis. Keene fop kaa ref kaa jegeerna o njiriiñ, a ñak fayda.

1 Korint 11:16

A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

O leetar ole Pool a bindna GIMU WE NGENNA ROM 15:18

Boo andoona yee saɗaam o lay tig, kaa ref ke Kiristaa a fi’na na pexey es, ndax um ɓakandiid we ndefeerna Yaawuur, da nanan a Roog. Fa lay a fi’tun fo a pi

O leetar ole Pool a bindna GIMU WE NGENNA ROM 10:16

Kaa koy, fop njaɓee Yegil mbaax ne. Ten taxu Esayi a lay’u yee: «O Yaal oxe, an gimu ke ta nanitna na in?»

O leetar ole Pool a bindna GIMU WE NGENNA ROM 9:22

Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

O leetar ole Pool a bindna GIMU WE NGENNA ROM 1:18

Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

A kim a tedu ke 90:11

An andu doole fee no fuux le wo, a and fuux ɗomu le wo, ndax ta saɗarong?

Ke bindeena no xe ne’eena YOB 24:13

A jega waa mbañna a qoolaand ale. Andee a ƭat a qoolaand too ndeefkiran.

1 Piyeer 3:1

Nuun rew we itam, fat oxuu refna na nuun a jaɓan o kor um. A refangaa sax ee leng-leng na den ngimee na fa lay fee Roog, xan a ngar no ngim onqe na pexey a pesoorooƭ nuun, nuun we ndefna rew den. Maaga, soxla’kaand o lay mayu,

2 Caloori ke 6:23

nan-giloorti na asamaan soo hate dag of, ndax o xaw oxe tooñna, rabdin a pi um, o cofu xe mat, o nomtin o cofel um.

Xa peƭit axe 11:23

Ke jofu we a nqememaa paax soom a rimaa, ke soxodu we a mbugna mat a oraa mbañir.

Yeremi 34:18

Kelfa ke Yudaa fo ke Yeerusaleem, cawdiin ke, saasadax we fa xeet fee no saax le fop a ndalin’a fa mi ngiɓoor neene, a ƭeg o xeel a ndeer soo a ndeef ndeer xa ƭeg axe ten. Kaa koy, cinj kaaga, a ƭapa ngiɓoor ne too mbadnee ke dalneena teen.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

Galati 5:20

fo a cuur pangool fo pan. Kaa taxaa itam wiin we a mbaagraƭar, a nqasraa, a mat a qeeñ, a mbuuxanraa, a ngendandooraa, a nqaajooraa, soo a mbi’aa fo mbokatax fo sayooxu.

Filip 1:17

We yiif ñimatir a riñna koy, kaa yegnitaa a Kiristaa yaam a ngeboox qooleer, a mbaaƭaa maa da ƥektaxama na naqad ye jengeema.

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

Saak 3:14

Kaa koy, o hañaanangaa lakas we, too xeeñ of mosee, waaƭaa o njiriiñ xoox of soom, yaaga ba o laasoox na tus, too ba o fañ ndigil ne.

Saak 3:16

Me wiin a siisritaa, a mbaaƭaa o njiriiñ a qoox den soom, tus naagee o xenaa maaga, too itam paaxeer mayu maaga a ngataa.