O leetar ole Pool a bindna GIMU WE NGENNA ROM 2:7 - NQAARIIT NE ROOG

⁷ We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

O leetar ole Pool a bindna GIMU WE NGENNA ROM 2:7 Referans Kwoze

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

O leetar ole Pool a bindna GIMU WE NGENNA ROM 2:10

We na mbi’aa paax fop o mat, xan Roog a ci a den o ndam fo o niwel fa jam, a eetit no Yaawuur we, cinj kaaga no we ndefeerna Yaawuur,

A kim a tedu ke 37:3

Hoolooxi o Yaal oxe soo fi’aa paax, ndax o yoq no saax le, ñoowaa teen fo o yaadax.

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

1Saŋ 2:25

Ke ta regna a in refu ndegit ne no ñoow o fagkeer ole.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

A kim a tedu ke 37:34

Ɗagi yaakaar of no Yaal oxe, reef a ƭat um, too yaaga xan a yoɗong, o jeg lanq ke, soxodu we a saŋkeel na kid of.

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

Hebre 6:15

Abraham a cungooga fo o muñ, too neene a daawa ke Roog a regit’ina.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

Heseki’el 18:17

Lalitkee o hup doole took no toroxu xe, rawnitkee took o yaakaar teen tig mbaat ta hupal no ndimand, a reefaa kebil es soo a gayaa bargal es, oxeene xonkee yaam tooñ ne faap um, a woora yee xan a ñoow.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

1 Korint 15:42

Neene o mat a reftu na qontax ale. Ke uupeena kaa fotaa, ke saxna waagkatee o fot.

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Hebre 2:7

Neewnaano o ngap onqaa malaaka ke a ngupuuna, ci’aano o ndam fa tedaanga da ndef nen o ndip no maad,