Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.
Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.
Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.
Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.
Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.
Ba o lay ee: «Keene haaliraam!» Ndax oxe na jaqtirandaa a qalaat ake ga’ee ke refna no xeeñ of? Ndax oxe na gayaa o ñis of andirang, ten fee na ɓoxotaa o kiin oo kiin a pi um?
Ke refna o ngim of no keene koy, naaganeen a xoox of ñuk mbaambir Roog. O kiin oxe andoona yee siisooxee na xoox um, yaa ta fosooxna o fi tig, a ɗaaya.
O kiin oxe bakaadna na xonkaa. O ƥiy gadooxkee tooñ faap um, too faap oo gadooxkee tooñ no ƥeem. O cofel ole no cofu xe xan a ref took um, soo kañaan ne no soxodu xe a ref took um.»