O leetar ole Pool a bindna GIMU WE NGENNA ROM 2:5 - NQAARIIT NE ROOG

⁵ Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

O leetar ole Pool a bindna GIMU WE NGENNA ROM 2:5 Referans Kwoze

O leetar ole Pool a bindna GIMU WE NGENNA ROM 1:18

Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

O baawaare xe 12:14

No ndigil xan Roog a hate a pi aluu refna, boo no ke ɗasna sax, ta ref paax mbaat paaxeer.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

Hebre 3:15

A Pind a Tedu ke a laya a qool qac ee: «Xaye fee xaye, nu nanangaa o ñuxur ole Roog, ba nu ŋaj nen a koom alaa nu siiknoorna fo ten.»

A cangatin ale 32:34

Ndax keene ɗasee me mi, a wegel no geekand es?

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

Hebre 4:7

Ten taxu xa kiid xa mayu a cinj kaaga, Roog a damatina bes. Bes feene koy, «xaye» a ne’e. Roog a laya a reefandin na Dawid, kene i nanna boo ƈut: «Xaye fee xaye, nu nanangaa o ñuxur ole Roog, ba nu ŋaj!»

Hebre 3:13

Baa ref naaga! Saƭakiniryo kili boo na «xaye» fee Roog a ne’uuna, yaam ndik bakaad a nax o leng na nuun boo ta ŋaj.

O leetar ole Pool a bindna GIMU WE NGENNA ROM 9:22

Yaaga boog, Roog kaa bug’u o lalit fuux um, soo a andnoor katil um. Yaqanee toox de, Roog a roxondoox’u fo o muñ o maak nqaw mbarƴu ne refna wiin we njag’ina fo fuux um, too dara hel’atee a den a refangeerna a saŋkax ale.

A kim a tedu ke 110:5

O Yaal oxe xey na ñamaak of. Xan a duguñ maad we, yaa ta fuuxkaa,

2 Caloori ke 30:8

Ndiiki koy, ba nu saƭik a qoox nen daan nuun. Ndekyo a Roog xa ƥay, ngar no mbind tedu ne ten, ta tedlandna boo kili soo mbaɗoox o Yaal oxe Roog nuun, ndax fuux ɗomu le ten yenna took in a ɓoos.

1 Sami’el 6:6

Ba nu ŋaj ne Miimisira we fa Firawon fee a mbi’it’uuna. Ndi kaa nu mbetandooxee ne Roog feene a xawtoogna a den boo neen a nqaƴu Ii-isra’el we da ndet?

Mbeeñil 6:17

yaam bes fa maak fee da nqawkaa a in a fadiida, too an na waagkan o haŋ?»

Saak 5:3

Wurus nuun fa xaaliis nuun a ñaamooxa. Keene kaa lalaa a nuun ee xan fop a yaqoox. Cer ke nuun xan a yaqoox itam, wee ndax kaa ndoxel na fiɗel, yaam kaa nu ngindan a qoox nuun kalal no ñaal paktaand adna.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

Dañel 5:20

Kaa koy, ye ta retna boo a magnandoox too wootooxatee o leng, a fudne no maat um, o ndam um a jaɓel.

Heseki’el 3:7

Kaa koy, mbind Isra’el njaɓkirang o nan-giloox, yaam njaɓiraam o nan-giloox, mbind Isra’el fop kaa saƭik a qoox too a ndir a qeeñ.

Esayi 48:4

Ne and’uuma yee xeet fa nanaƭaru nu ndefu faa na siiknooreel soo a saƭik a qoox,

Xa peƭit axe 29:1

Oxe soqeena soo a maad no saƭik-xoox xan a duguñel ndak fo ndak, too jegkee ƈufig.

Xa peƭit axe 11:4

Na bes fee no fuux le Roog halal fee ɗaxkee tus, o cofel ole mat kaa wataa na fa nqon.

A kim a tedu ke 95:8

ba nu ŋaj nen daan we nuun maaga Meriba, nen a koom alaa fo ñaal naa Maasa, na koƥ-a-ƥor alaa.

Ke bindeena no xe ne’eena YOB 21:30

No ñaal ne na taamaala fee, o soxodu xe kaa ɓostooxaa, a daɗ yaa fo fuux le.

2 Caloori ke 36:13

A siiknoora sax fo o maad Nebukadnesaar fee daaɓooxnoor’uuna na Roog. A jikooxa o saƭik xoox, a ŋaj, a fañ o nomtooxiid no Yaal oxe Roog fee Isra’el.

Yosuwe 11:20

O Yaal oxe fa xoox um o mat ŋajnoor’u a den boo da nqire fo Ii-isra’el we, ndax da saŋkel too yirimkaand o ndus soo a moocandel ne o Yaal oxe a heblit’uuna a Moyiis.

A cangatin ale 2:30

Kaa koy, Siihon fee o maad Hesebon jaɓee o xaƴ a in i nqaañ no saax um, yaam o Yaal oxe Roog in kaa riñ’un no saƭik xoox, a ŋajnoorin, ndax ta ɓoxotin na xa ƥay in, ne nu nga’tuuna xaye.

A sutax ale 8:15

Maaga, yaal-o-and we a laya a Firawon fee yee: «Roog fi’un!» Kaa koy, Firawon fee a ŋaja, a fañ o nan-giloox a Moyiis fa Aaroon, ne o Yaal oxe a layit’uuna.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

A sutax ale 14:17

Mi o mat, xam ŋajnoor Miimisira we, ndax da ndeefaniid a nuun kam o maag ole, too xam saŋik a Firawon fee fo xiixire we ten fop fo a sareet ake ten fo ŋaaŋaay we ten, ndax um lalit o ndam es.

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

Xa peƭit axe 1:18

Kaa koy, a qoox den o mat a sipanaa pog, a ƭaapaa kaa na warkaa a den.

Xa peƭit axe 28:14

Oxe na saɗaraa o fi paaxeer a ɗaaya, oxe na ŋajaa mat kaa yenaa na taamaala.

Yeremi 40:3

Ndiiki koy, o Yaal oxe a hebliida, a fadin ke ta yegnit’ina. Ne nu tooñna o Yaal oxe too nu nan-gilooxee o ñuxur um, taxu keene a dal a nuun.

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

Hoose 13:12

Njofaƭar ne Efrayim a geeke a paax, bakaad um a damel.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

2 Tesalonik 1:5

Keene laltu deŋ hate fa njofu fee Roog, too xan a mbi a nuun laalam tigi no Maat ne ten, taxna nu toroxaa.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.