O leetar ole Pool a bindna GIMU WE NGENNA ROM 2:4 - NQAARIIT NE ROOG

⁴ Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

O leetar ole Pool a bindna GIMU WE NGENNA ROM 2:4 Referans Kwoze

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

A sutax ale 34:6

Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 78:38

Ten oxe mayna yirmande o mat a waasantooga tooñ den, a fañat o saŋik a den. A yooɓ’a o ɓoosdandaa fuux um soo a riimin fuux ɗomu le ten,

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

O baawaare xe 8:11

Feek oxe fi’na paaxeer naagee xaweel ndak fo ndak, keene a naaga riñaa wiin we na pi a paaxeer.

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Filip 4:19

Roog es koy, xan a ɗaxit coxla nuun fop halal um fo o ndam um na Kiristaa Yeesu.

A kim a tedu ke 10:11

O soxodu xe kaa layaa no xeeñ um ee: «A ƭat Roog yongee teen. Kaa sing mukit um too naagee ga’aa dara.»

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

1 Timote 1:16

Kaa koy, ne laytanuuma, kaam daaw yirmande, ndax Kiristaa Yeesu a eet o laltit na mi o muñ um fop. Neene, xam ref o ɗeendoor mbaambir no we na ngimkaa no ten, ndax da njeg o ñoow o fagkeer ole.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 6:1

Xar i laykaa koy? Ndax kaa i maadkaa o ñoowaa kam bakaad, ndax yirmande fee Roog a ɓaatoox?

A kim a tedu ke 104:24

O Yaal oxe, jale of jegee hap. Kaa o fi’it a den o and, den fop. Lanq ke kaa may muut fo sake le wo.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

O leetar ole Pool a bindna GIMU WE NGENNA ROM 10:12

Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Yeremi 7:10

Cinj kaaga, nu ngar mbaambir es, kam Mbind nene kesaneema, ndamtin ee: ‹In wey no woor!› ndax nu maad o mbi’aa cednooxu keene.

A lim ale 14:18

‹Mi refu o Yaal oxe na muñantaa soo may fo o paaxel. Kaam waasantaa njofaƭar fo tooñ, ndaa kaam xawaa oxe tooñna soo rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.›

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

A kim a tedu ke 31:19

Fat a ƭelem a naanax ake a muumat, den we na mbentaa o cofu xe a magnandax a maamu too a siban.

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

2 Korint 8:2

Gimu we kaa ƭeetloox’el kam coono maak kaa ndal’ina a den, ndaa o ɗaay den kaa magin’u lool, boo a tax da lalit o laabiir den, ke da ñak’ina ñak fop oo.

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.