O leetar ole Pool a bindna GIMU WE NGENNA ROM 2:29 - NQAARIIT NE ROOG

²⁹ O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

O leetar ole Pool a bindna GIMU WE NGENNA ROM 2:29 Referans Kwoze

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

A cangatin ale 10:16

Nqucooxyo na qeeñ nuun boog too mbaas o saƭik xoox.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

2 Korint 10:18

Oxe na layooxaa yee mi yoo naagee o refaa muk oxe na jileel, ndaa oxe o Yaal oxe a jooxna soom.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

O leetar ole Pool a bindna GIMU WE NGENNA ROM 2:27

Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

YEGIL MBAAX NE YEESU ne Saŋ a bindtuuna 12:43

Kaa o ngidim no wiin we a moƴan’u a den o ngidim Roog.

YEGIL MBAAX NE YEESU ne Saŋ a bindtuuna 5:44

Kaa koy, nam nu mbaagu o ngimit sax, nuun we na ƈufanaa o ndam o ngatu no wiin we, mbañ o naaɓ o ndam o ngatu na Roog?

YEGIL MBAAX NE YEESU ne Lik a bindtuuna 11:39

Kaa koy, o Yaal oxe a layaan ee: «Nuun Farisiya we, kaa nu ƥogdaa took fee na tokol ale fo took fee no roon ole, too kam nuun kaa nu may fo kuuɗe fo coxod.

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

YEGIL MBAAX NE YEESU ne Saŋ a bindtuuna 4:23

Kaa koy, waxtu fee oxe garaa, too a fadiida sax. Ndiiki, faafaɗax tigi we xan a mbaɗooxaa a Faap fee no yiif fo ndigil, too faafaɗax nandu naaga soom Faap fee a laamtu.

YEGIL MBAAX NE YEESU ne Lik a bindtuuna 17:21

O leng laykee yee: ‹Oxey mene mbaat maana.› Yaam Maat ne Roog oxey a ndeer nuun.»

A kim a tedu ke 45:13

We ngenna Tiir xan a ƥoxotang neexil, yaal kalal ke a ngerang, ndax o farit a den.

Yeremi 9:25

ndefna Miimisira we, Yuuyudaa we, Ee-edoom we, Aa-amon we, Moomowaab we fo we ngenna na koƥ-a-ƥor ale, na nduusaa took fee na xa ƭek axe den. Qeet keene fop fo Ii-isra’el we fa qoox den nqucooxee na qeeñ den.»

O leetar ole Pool a bindna GIMU WE NGENNA ROM 3:1

Xar refu a seek ale o Yaawuur oxe a waagna o hupit o tefee Yaawuur? Ndi xar refu o njiriiñ onqe nquc a jegna?

1 Korint 7:19

Yaam o xucoox fo o ñak o xucoox mbodu: Ƭaxee dara. Ke jegna o njiriiñ kañ refu nanan a Roog, reefaa ke ta hebilna.