O leetar ole Pool a bindna GIMU WE NGENNA ROM 2:27 - NQAARIIT NE ROOG
27 Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?
Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.
Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.
O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.
Cinj kaaga, Roog a deɓa a Sawul, too a cooxa a den a Dawid, ta ref o maad den. Roog a seede’anaan ee: ‹Dawid feene refna o ƥiy Isay a felaxam no xeeñ es, too xan a fadin fop ke buguuma ta fi.›
Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.