O leetar ole Pool a bindna GIMU WE NGENNA ROM 2:26 - NQAARIIT NE ROOG

²⁶ A soƥangaa koy ee o haat ole kaa reefaa ke kebil ke a simitna, ndax Roog ɗeetkiran nen o qucooxu, ke ta refna o haat fop oo?

O leetar ole Pool a bindna GIMU WE NGENNA ROM 2:26 Referans Kwoze

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

O leetar ole Pool a bindna GIMU WE NGENNA ROM 8:4

Kaa Roog a fadin keene, ndax o cofel ole kebil ke a simitna a fadnoox na in, in we naangateerna o ñoowaa no ke cer ke in a mbugna, ndaa no ke Yiif le Roog a bugna.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

Mace 15:28

Maaga, Yeesu a layaan ee: «Tew oxe, o ngim of a magna! Fat o fi’antel o ten ne bugtoona.» Na waxtu faaga sax sax o ƥeem a woda.

O leetar ole Pool a bindna GIMU WE NGENNA ROM 2:25

A woora o mat ee nquc of a jega o njiriiñ yaa o reefaa kebil ke Roog, ndaa boo ɗapoona a den, nquc of kaa nand fo nqucooxaƭar.

O leetar ole Pool a bindna GIMU WE NGENNA ROM 2:27

Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?

Galati 6:15

Xucoox fo ñak o xucoox mbodu. Ref mbindel nqas jegu o njiriiñ.