O leetar ole Pool a bindna GIMU WE NGENNA ROM 2:25 - NQAARIIT NE ROOG

²⁵ A woora o mat ee nquc of a jega o njiriiñ yaa o reefaa kebil ke Roog, ndaa boo ɗapoona a den, nquc of kaa nand fo nqucooxaƭar.

O leetar ole Pool a bindna GIMU WE NGENNA ROM 2:25 Referans Kwoze

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Galati 6:15

Xucoox fo ñak o xucoox mbodu. Ref mbindel nqas jegu o njiriiñ.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

O leetar ole Pool a bindna GIMU WE NGENNA ROM 2:28

O Yaawuur tigi refee oxe nandna fo ten, nquc tigi itam refee ke waageena o ga no cer ke.

O leetar ole Pool a bindna GIMU WE NGENNA ROM 2:23

Kaa o fakooxaa yaam ee jegaa kebil ke Roog, soo tooñaa a Roog yaam naagiro o fi’aa ke kebil ke ten a simitna.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

O leetar ole Pool a bindna GIMU WE NGENNA ROM 2:26

A soƥangaa koy ee o haat ole kaa reefaa ke kebil ke a simitna, ndax Roog ɗeetkiran nen o qucooxu, ke ta refna o haat fop oo?

O leetar ole Pool a bindna GIMU WE NGENNA ROM 2:27

Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?

1 Korint 7:19

Yaam o xucoox fo o ñak o xucoox mbodu: Ƭaxee dara. Ke jegna o njiriiñ kañ refu nanan a Roog, reefaa ke ta hebilna.

Galati 6:13

We na sertaa nquc sax naangee o ndeefaa kebil ke Roog. Maa da mbakoorna, yaa nu mbi’na ke da seraa a nuun soom, a mbaaƭaa.