O leetar ole Pool a bindna GIMU WE NGENNA ROM 2:24 - NQAARIIT NE ROOG

²⁴ Ten taxu a Pind a Tedu ke a laya yee: «Nuun taxu we ndefeerna Yaawuur a mbenaa gon le Roog.»

O leetar ole Pool a bindna GIMU WE NGENNA ROM 2:24 Referans Kwoze

Esayi 52:5

Kene o Yaal oxe a layu: «Ndiiki o mat, xar xottum teen, yaam xeet es kaa ƥoxotel o meere-meere? Ñaañagadil we den owe mbalalooxaa, soo gon es a gen no weneel cay.

2 Piyeer 2:2

Mayu no wiin we xan a ndeef a pesoorooƭ a paaxeer ake den, soo wiin we a layaa paaxeer na ƭat ale no ndigil ne yaam den.

Tiit 2:8

Fat fa lay of a xool, a ñak ƥanjel, ndax fañ we a sed, yaam a ñak kaa da njeertikna a in.

2 Sami’el 12:14

Kaa rek no keene ci’aa fañ we no Yaal oxe o wooƥ olaa da mbentuuna. Ten taxu o ndeɓandoong onqe sogeena o rim xan a xon.»

Tiit 2:5

Fat a njangin a den itam da ndamoox, a ndam no gor den soom, a mbi’aa calel ke no mbind ne, a mbaax, a nanan gor den, ndax fa lay fee Roog wenkaand.

1 Timote 6:1

Fat fop we andoona yee kaa mbi’el faɗ, a niw yaal pind den. Neene, gon Roog fo a cangin ale na Pind a Tedu ke mbenkaand.

Mace 18:7

Ndaw sabab took adna fee yaam ke na tolofnooraa wiin we. Tolofnoorel waagee ñak, ndaa ndaw sabab took no xe na ɓisiidan!

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

Heseki’el 20:27

«Ten taxu wo fee o ƥiy no kiin, layi fo mbind Isra’el. Fat o yegin a den ee: Keeke o Yaal oxe na refkaa boo faw a layu: Daan we nuun kaa mbenoogaam yaa da laltaa ngore’aƭar na mi.