O leetar ole Pool a bindna GIMU WE NGENNA ROM 2:17 - NQAARIIT NE ROOG

¹⁷ Kaa o ne’ooxaa o Yaawuur, wo fee saaƭooxna no kebil ke Roog, soo fakoortaa a Roog of,

O leetar ole Pool a bindna GIMU WE NGENNA ROM 2:17 Referans Kwoze

O leetar ole Pool a bindna GIMU WE NGENNA ROM 2:23

Kaa o fakooxaa yaam ee jegaa kebil ke Roog, soo tooñaa a Roog yaam naagiro o fi’aa ke kebil ke ten a simitna.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

O leetar ole Pool a bindna GIMU WE NGENNA ROM 9:32

Xar taxun koy? Kaa mbaaƭoogu o mbel a Roog na pexey a pi den, a mbañin o mbaaƭit na pexey o ngim onqe. Ten taxu yoo da mbaɓ ɓil le na tolofnooraa.

YEGIL MBAAX NE YEESU ne Saŋ a bindtuuna 5:45

Ba nu mboog ee xam jamb a nuun mbaambir Faap fee. Ke na jambaa a nuun refu kebil ke Moyiis, den we ndefna yaakaar nuun.

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

Galati 2:15

In, Yaawuur ndimu a in, too i nqalaatoogee yee baabakaad i ndefu nen we ndefeerna Yaawuur.

2 Korint 11:22

Kuu da mbaagna o njikooxaa a nuun rek, waagaanum o jik, ta ref o ref o Hebre mbaat o Ii-isra’el mbaat o fog no kurcala le Abraham, jegee teen dara maa da ndaɗaxama.

YEGIL MBAAX NE YEESU ne Saŋ a bindtuuna 8:41

Nu mbi’ee nen o ten, nen a faap nuun nu mbi’aa.» A layaan ee: «I ndefee xa ƥiy ceeq fe! Faap fa leng koŋ i njegu, ta ref Roog.»

YEGIL MBAAX NE YEESU ne Saŋ a bindtuuna 8:33

A ndoonaan ee: «In de, xa taan Abraham i ndefu, too i mosee o ndef o paɗ no kiin. Yaaga koy, nam waago o layit ee xan i mbatel?»

YEGIL MBAAX NE YEESU ne Saŋ a bindtuuna 7:19

Kaa refee yee Moyiis cooxu a nuun kebil ke? O leng na nuun boo nu nqet naagee o fi’aa ke kebil ke a simitna. Xar taxu nu mbaaƭaa maa nu saktaxama pexey?»

YEGIL MBAAX NE YEESU ne Lik a bindtuuna 10:28

Maaga, Yeesu a layaan ee: «Ndigil kak layo. Fi’i keene, too xan o ñoow.»

Sofoni 3:11

«Wo Yeerusaleem, a koom jegkatiro gaci na pi of ake tooñtaxamoona fop. Xam watin na wo we a magnandax a ɗaaynooraa, too ga’atinooxkatiro muk took o joong o tedu le mi.

Esayi 45:25

No Yaal oxe xa taan axe Isra’el fop a ndaawitkaa o cofel soo a mbakoox.

A kim a tedu ke 135:4

O Yaal oxe kaa jilan a xoox um a Yakoob, a fi a Isra’el o jeg um.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

O leetar ole Pool a bindna GIMU WE NGENNA ROM 3:27

Mam o kiin a waagu o fakoorit? Sen! Xeƈa yaa ta fadnaa ke kebil ke a simitna? Boo muk! Fak le kaa sutel yaam o ngim onqe.