O leetar ole Pool a bindna GIMU WE NGENNA ROM 2:14 - NQAARIIT NE ROOG

¹⁴ Boo we ndefeerna Yaawuur andeerna kebil ke Roog, a ndeefaa ke kebil ke a simitna, a nanda nen kaa ndef kebil na qoox den, ke da njegeerna njeg kebil ke Roog fop oo.

O leetar ole Pool a bindna GIMU WE NGENNA ROM 2:14 Referans Kwoze

O leetar ole Pool a bindna GIMU WE NGENNA ROM 2:12

We mbakaadna fop, too andee kebil ke Roog, xan a saŋkoox, too refkee yaam kebil keene. We andna kebil ke koy, soo a mbakaadaa, xan a ngate’tel kebil ke.

O leetar ole Pool a bindna GIMU WE NGENNA ROM 2:27

Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?

Efees 2:12

No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

A pi ake 10:35

ndaa no qeet ke fop, oxe feluuna refu oxe saɗaruuna, too a fi’aa cofu.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

A cangatin ale 4:7

Xeet fa maak fum njegu roog kaa matna a den, ne o Yaal oxe Roog in a matitna a in a mbanuu i ƈufginooxuuna?

1 Korint 11:14

Nu ƭeetangaa ne tige a garitna, xan nu nga ee wiil jiig gaci yoo no koor,

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

A pi ake 14:16

No camaane ke mbaafna, Roog feene kaa xaƴ’u qeet ke fop da ndeefaa a ƭat a qoox den.

O leetar ole Pool a bindna GIMU WE NGENNA ROM 2:15

A lalta yee ke kebil ke a simitna a binde kam a qeeñ den, yaam a yiif den a naanga o njambaa a den, soo leek-leek da mbarit a den.

1 Korint 9:21

Um refangaa a ndeer no we ndeefeerna kebil ke Moyiis, kaam ñoowtaa nen a den (too maad no kebil ne Roog a dalinna na Yeesu Kiristaa), ndax weene a ngim no ten.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.