O leetar ole Pool a bindna GIMU WE NGENNA ROM 2:13 - NQAARIIT NE ROOG

¹³ Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

O leetar ole Pool a bindna GIMU WE NGENNA ROM 2:13 Referans Kwoze

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

O leetar ole Pool a bindna GIMU WE NGENNA ROM 2:25

A woora o mat ee nquc of a jega o njiriiñ yaa o reefaa kebil ke Roog, ndaa boo ɗapoona a den, nquc of kaa nand fo nqucooxaƭar.

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

O leetar ole Pool a bindna GIMU WE NGENNA ROM 10:5

Keeke refu ke Moyiis a bindna no cofel ole mbaambir Roog na pexey kebil ke: «Oxuu na fadnaa ke kebil ke a simitna, xan a ñoowtaa kebil ke.»

YEGIL MBAAX NE YEESU ne Lik a bindtuuna 8:21

Kaa koy, Yeesu a doonaan ee: «Ya es fo xa teɓ es ndefu we na nan-gilooxaa fa lay fee Roog, too a ndeefan.»

O leetar ole Pool a bindna GIMU WE NGENNA ROM 3:30

Yaam Roog fa leng soom jegu, ta ref oxe na jofanditkaa we nqucooxna o ngim onqe, a jofanditkaa we nqucooxeerna itam o ngim onqe.

A pi ake 13:39

Neene itam, oxuu gimna no ten, a ɗeete nen o cofu yaam o ten. O cofel o nandu neene koy, nu mbaagiran o njegit na pexey kebil ke Moyiis.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

Heseki’el 20:11

Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

A cangatin ale 5:1

Moyiis a xoyna Ii-isra’el we fop, a lay a den ee: «Nuun Ii-isra’el we, nan-gilooxyo bargal ke fo kebil ke um daawnaa a nuun xaye. Aqatooxyo a den, ngay a den, ndax nu ndeef a den.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

Galati 5:4

Nuun we na ndeefaa ke kebil ke a layna, ndax Roog a ɗeet a nuun nen jofu, nu nqaaje fa Kiristaa, too nu ñaka yirmande fee Roog itam.

O leetar ole Pool a bindna GIMU WE NGENNA ROM 3:23

Fop a mbakaada boo a ñak o ndam onqe Roog,

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

A cangatin ale 6:3

Nuun Ii-isra’el we boog, fat nu nan-giloox a den, ngay a den ndax nu ndeef a den. Neene, xan nu ƭaay too siw tigi kam saax le fo sis fo suum a ndaxritaa, ne o Yaal oxe Roog fee no daan nuun a laytuuna a nuun.

Yeremi 11:6

O Yaal oxe a layaxam ee: «Lambni fa lay fene fop kam teeru ke Yudaa fo no ped ke Yeerusaleem ee: Nan-gilooxyo ndegoor ne no ngiɓoor nene too ndeefin!

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

1 Korint 4:4

Mi fa xoox es, siisooxiim dara, yaam taa no yiif es ga’iim ee ɗapafulaam ngor ne ta cungaa na mi. Kaa koy, um ñak o siisoox tig sax, taxee um ñak ƥanjel, ndaa kaaga, o Yaal oxe jegun, o ten na hate’kaxam.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.