O leetar ole Pool a bindna GIMU WE NGENNA ROM 2:10 - NQAARIIT NE ROOG

¹⁰ We na mbi’aa paax fop o mat, xan Roog a ci a den o ndam fo o niwel fa jam, a eetit no Yaawuur we, cinj kaaga no we ndefeerna Yaawuur,

O leetar ole Pool a bindna GIMU WE NGENNA ROM 2:10 Referans Kwoze

Esayi 32:17

O cofel ole xan a rimaa jam, a gartaa a ñootnax fo o woor boo faw.

Esayi 26:12

O Yaal oxe, kaa o woornaa a in jam fee, yaam fop ke i mbadnaa, wo na fi’an.

A lim ale 6:26

Yaasam o Yaal oxe a ɗeet a nuun too a ci a nuun jam.›

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

YEGIL MBAAX NE YEESU ne Lik a bindtuuna 1:79

ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»

Ke bindeena no xe ne’eena YOB 22:21

Ndiiki koy, wo Yob, jofooratini fa Roog, jamsa’oor fo ten, too yaaga xan o jeg ne bugoona.

Saak 2:22

Ga’aano: O ngim onqe Abraham fo a pi um kaa yoon, too o ngim um onqeene a fadnooxa yaam a pi ake yoonna fo ten.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

O leetar ole Pool a bindna GIMU WE NGENNA ROM 2:9

Xan coono fo o njakad a ndal took o mbindeef onquu na fi’aa paaxeer, a eetit no Yaawuur we, soo we ndefeerna Yaawuur a ndoonoox.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

O leetar ole Pool a bindna GIMU WE NGENNA ROM 9:21

Mee ndax o maamax qaw a waaga o fi kuu feluuna no ƭok! No ƭok leng kut keene a waaga o max teen nqaw mosu fo nqaw mbarƴu.

A pi ake 10:35

ndaa no qeet ke fop, oxe feluuna refu oxe saɗaruuna, too a fi’aa cofu.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Lik a bindtuuna 22:14

Yaa waxtu faa a fadiidna, Yeesu a reera fo apootar waa ten.

YEGIL MBAAX NE YEESU ne Lik a bindtuuna 19:42

«Wo itam, boo waag’oona o and xaye ke waagoonga o ci jam! Kaa koy, ndiiki kaa mo a kid of.

YEGIL MBAAX NE YEESU ne Lik a bindtuuna 12:37

Faɗ we o yaal den a soƥkaa da yetooxaa a ƭaaya! No ndigil, mexe layaa a nuun ee: Xan a humnoox boo yee ŋaƭ, a diƈ a den, soo a matiid ndax ta dagoox a den.

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

Mace 10:13

A sal nuun a jombangee mbind naaga, fat jam nuun a fudoox took um, ndaa a jombangaan, fat jam nuun a nomtooxiid na nuun.

Yeremi 33:6

Ga’angi, xam dakin a Yeerusaleem no wod-fo-ɓaal um, ci’in cer ƥutu um, kaam ee xam wodand we ngenna teen ceŋ. Xam feeñil a den jam fo o woor boo ta dey sik.

Esayi 57:19

Xam fi da ƈeelaa fo o ɗaay yaam jam fee jagandan’eena we moƴna o ngoƭ nen we moƴna o mat.» Keene o Yaal oxe a layu. «Iyo, xam wodand xeet es.»

Esayi 48:22

«Soxodu we o mat, njegee jam.» Keene o Yaal oxe a layu.

Esayi 48:18

Ey, o nan-gilooxangaa a paax ke hebloonga, yaaga jam of a ref nen o xuluɓ, o cofel of a ref nen a yag-ee-yag ake no maag ole,

Xa peƭit axe 11:18

Mbef no soxodu xe kaa kasaara’ooxaa, oxe na duufaa o cofel o mat a xottaa teen ndabid mbagkeer.

Xa peƭit axe 8:18

Halal fo o ndam owey fa mi, o jeg o fagkeer fo o neq.

A kim a tedu ke 37:37

Horooxi o kiin oxe ñakna ƥanjel, ɗeet a paax o booru xe, yaam o kiin jam muj fa mbaax rek a jegaa,

A kim a tedu ke 29:11

O Yaal oxe xan a ci xeet um doole, a barke’it a den jam.

A kim a tedu ke 15:2

Ten refu oxe jegeerna ƥanjel, a fi’aa cofu soo a layaa ndigil ne refna no xeeñ um doŋ.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

Esayi 55:12

O ɗaay nu nqotitkaa a ƭat, soo yooneel na jam. Xa coong axe fo a ñaang ake xan a ƈeelaa mbaambir nuun, soo taxar ke na koƥ ale fop a mboxaa.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Hebre 2:7

Neewnaano o ngap onqaa malaaka ke a ngupuuna, ci’aano o ndam fa tedaanga da ndef nen o ndip no maad,