O leetar ole Pool a bindna GIMU WE NGENNA ROM 2:1 - NQAARIIT NE ROOG

¹ Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

O leetar ole Pool a bindna GIMU WE NGENNA ROM 2:1 Referans Kwoze

YEGIL MBAAX NE YEESU ne Lik a bindtuuna 6:37

«Ba nu ngate’aa wiin we mbaat Roog ñakkee o hate’aa a nuun. Ba nu ƥanjaa o leng mbaat Roog ñakkee o ɓanjaa a nuun. Naangyo mbaasantaa, too yaaga xan Roog a waasanaa a nuun.

O leetar ole Pool a bindna GIMU WE NGENNA ROM 2:3

Wo o mat, wo fee na jambaa we na mbi’aa keene, too fi’aa nen a den, foogaa moos ee xan o daɗ hate fee Roog?

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»

Saak 4:11

Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.

Saak 2:20

Wo soo ref kulfeñ! Andiro sax ee o ngim onqe yooneerna fo a pi kaa xon?

YEGIL MBAAX NE YEESU ne Lik a bindtuuna 19:22

O yaal mbind ne a layaan ee: ‹Xam hate’ong na fa lay of, o tag o soxodu xe! And’aa xil ee o kiin o ƭomu tig refum, kaam sertaa kaa geekeeruuma, too saxadaa kaa duufeeruuma.

1 Korint 7:16

Yaam o tew o kimu xum andu ndax xan a mucil o kor um o kimeer? Mbaat o koor o kimu xum andu ndax xan a mucil o teem o kimeer?

YEGIL MBAAX NE YEESU ne Lik a bindtuuna 12:14

Yeesu a doonaan ee: «Koor oxe, an ɓekaxam no tig nuun boo um xaajanaa a nuun halal nuun?»

O leetar ole Pool a bindna GIMU WE NGENNA ROM 2:2

I anda toox de yee Roog a jofa na hate um took no we na mbi’aa nandu neene.

O leetar ole Pool a bindna GIMU WE NGENNA ROM 3:9

Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

O leetar ole Pool a bindna GIMU WE NGENNA ROM 14:22

Ke refna o ngim of no keene koy, naaganeen a xoox of ñuk mbaambir Roog. O kiin oxe andoona yee siisooxee na xoox um, yaa ta fosooxna o fi tig, a ɗaaya.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.