O leetar ole Pool a bindna GIMU WE NGENNA ROM 16:7 - NQAARIIT NE ROOG

⁷ simin a Andoronikos fa Yuñaas we fogtuuma xeet, too a ndeeƭu fa mi kam kaso, a ndef waa apootar we a niwna. Den sax eetaxam o ngim na Kiristaa.

O leetar ole Pool a bindna GIMU WE NGENNA ROM 16:7 Referans Kwoze

O leetar ole Pool a bindna GIMU WE NGENNA ROM 16:21

Timote fee o yoon es no calel ke oxe simnaa a nuun. Lukiyus fa Yaason fa Sosipateer we fogtuuma xeet, owe simnaa a nuun itam.

O leetar ole Pool a bindna GIMU WE NGENNA ROM 16:11

simin a Herojon fee fogtuuma xeet fo ƥasil ne refna no mbind Narkis, too a ngim no Yaal oxe.

Filemon 1:23

Epafaras, o yoon es oxe jengeena yaam Kiristaa Yeesu itam, oxe simnang.

Kolos 4:10

Aristark fee fogtuuma kaso, oxe simnaa a nuun, ten fa Mark fee o maasir Barnabaas. Ten o mat ne’oogum, ye layuuma yee boo ta garna, fat nu ndalnin a paax.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Galati 1:22

Pokatax kaa ndefna Yudee, too a ndef no Yaal oxe fop mos’iraam o nga.

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

1Saŋ 4:13

Mene i anditkaa yee i ngena no ten, ta gen na in: A ci’a a in Yiif um.

Galati 6:15

Xucoox fo ñak o xucoox mbodu. Ref mbindel nqas jegu o njiriiñ.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

YEGIL MBAAX NE YEESU ne Saŋ a bindtuuna 14:20

A koom nu and ee mexey na Faap es, nu ndef na mi, um ref na nuun.

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

Esayi 45:25

No Yaal oxe xa taan axe Isra’el fop a ndaawitkaa o cofel soo a mbakoox.

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Galati 2:2

yaam Roog a feeñooxaam, a heblaam a ñaaƈ aleene. Ye retuuma, wootaam fo aa-adax we soo lal a den Yegil mbaax ne um waare’aa kam we ndefeerna Yaawuur, ndax jalkiim mbaat ta ref ee kaam jal calel cegee xoox.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.

O leetar ole Pool a bindna GIMU WE NGENNA ROM 16:3

Fat nu simnanaam a Pirisil fa Akilaas ndefna yoon es no calel ke Kiristaa Yeesu.

O leetar ole Pool a bindna GIMU WE NGENNA ROM 16:6

Simnanaamoo a Mari fee jalna boo a tas yaam nuun,

O leetar ole Pool a bindna GIMU WE NGENNA ROM 16:8

Fat nu simnanaam a Ampilyaatos fee fexuuma no Yaal oxe,

O leetar ole Pool a bindna GIMU WE NGENNA ROM 16:9

simin a Urben o yoon es no calel ke Kiristaa fa Estakis fee fexuuma.

O leetar ole Pool a bindna GIMU WE NGENNA ROM 16:10

Simnanaamoo a Apeel fee lalitna o ngim um na Kiristaa, simin ƥasil ne refna no mbind Aristobil,

2 Korint 12:2

A jega kerceen faa and’uuma, a fi’a xa kiid xarɓaxay fo xa kiid xa nahaq ndiiki, andiim ndax fo cer um a reeƭu, too andiim itam ndax reeƭee fo cer um, Roog soom andun. O koor oxeene a yoɗe boo na asamaan fa ndadkandeer faa.