O leetar ole Pool a bindna GIMU WE NGENNA ROM 16:5 - NQAARIIT NE ROOG

⁵ Fat nu simnanaam itam gimu we na mbokatooraa kam mbind den, simin a Epaynet fee fexuuma, refna oxe eetna o gim na Kiristaa kam o jegel ole Asi.

O leetar ole Pool a bindna GIMU WE NGENNA ROM 16:5 Referans Kwoze

Kolos 4:15

Simnanyo a in fog we ndefna Lawodise, simnan a in a Nimfaas fo mbokatax ne no gimu we ndefna no mbind um.

Filemon 1:2

in we simnang, wo fo o cigeen in Afiya fa Arkip fee o yoon in no ke i ngomreel yaam o ngim onqe, simnaa itam mbokatax ne no gimu we refna no mbind of.

1 Korint 16:19

Gimu we ndefna Asi fop mbokatooru, a simnaa a nuun. Akilaas fa Pirisil fo gimu we na mbokatooraa no mbind den owe simnaa a nuun a paax itam no Yaal oxe.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

Mace 18:20

Muu ɗik mbaat daduk a mbokatoorna no gon es, mexey a ndeer den.»

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

3Saŋ 1:1

Wo Gayus fee fexuuma tigi, mi fee refna o maak no mbokatax ne no gimu we na bindang o leetar oleeke.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

O leetar ole Pool a bindna GIMU WE NGENNA ROM 16:12

Fat nu simin a Tirifen fa Tirifos ndefna rew waa na njalanaa o Yaal oxe. Weeciim itam a Persiid fee fexuuma, o tew oxeene jalanna o Yaal oxe mayu.

O leetar ole Pool a bindna GIMU WE NGENNA ROM 16:8

Fat nu simnanaam a Ampilyaatos fee fexuuma no Yaal oxe,

O leetar ole Pool a bindna GIMU WE NGENNA ROM 15:26

Kerceen ke Makedoni fo we Akayi kaa ngeboox o mbokat kaa dimle’teena rool gimu we kam Yeerusaleem.

O leetar ole Pool a bindna GIMU WE NGENNA ROM 11:16

Boo andoona yee, o ɗeg o eetaand mbuuru a ɓoxote a Roog, ke na yoqaa no mbuuru ne fop, Roog jegun itam. Neene itam, a paƴ ndaxar a ƥoxotange a Roog, a naaq ake ndeyaand o ne.

A pi ake 18:27

Cinj kaaga, Apolos a bug’a o suur Akayi. Maaga, fog gimu waa a saƭakinaan, soo a mbindanin o leetar, a mbokatin fo daalbe waa no jegel olaaga, ndax da ndalnin. Ye ta fadiidna, a jega o njiriiñ lool no we ngim’ina na pexey yirmande fee Roog.

A pi ake 18:12

Na jamaane faaga koy, a soƥ Galyoŋ a refaa gofornoor no jegel olaa Akayi, Yaawuur we a mbokatoorana a Pool. A ƥisaan no hate’and olaa,

A pi ake 2:9

In ndefu wiin we Part fo we Medi fo we Elam, we ngenna Mesopotami fa Yudee fa Kapados fa Pont fa Asi,

A pi ake 16:6

Yiif Tedu le a xañta a den da yegnit fa lay fee Roog kam o jegel olaa Asi. Ten taxu a nqaaña o jegel olaa Firigi fo olaa Galati.

O leetar ole Pool a bindna GIMU WE NGENNA ROM 16:4

Weene a liil’a o ñis den no xoƥ nquƭ, ndax da mucil ole mi. Refee yee mi feeke soom na gidmaa a den, ndaa pokatax ke no gimu we ndefeerna Yaawuur fop sax kaa ngidmaa a den.

O leetar ole Pool a bindna GIMU WE NGENNA ROM 16:6

Simnanaamoo a Mari fee jalna boo a tas yaam nuun,