O leetar ole Pool a bindna GIMU WE NGENNA ROM 16:26 - NQAARIIT NE ROOG

²⁶ Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

O leetar ole Pool a bindna GIMU WE NGENNA ROM 16:26 Referans Kwoze

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

O leetar ole Pool a bindna GIMU WE NGENNA ROM 15:18

Boo andoona yee saɗaam o lay tig, kaa ref ke Kiristaa a fi’na na pexey es, ndax um ɓakandiid we ndefeerna Yaawuur, da nanan a Roog. Fa lay a fi’tun fo a pi

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

Kolos 1:26

Keene refu kunpa fee refna naa adna ferooxu, too a feeñlel tedu we ndiiki.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

O leetar ole Pool a bindna GIMU WE NGENNA ROM 1:2

Yegil mbaax neene, Roog kaa regit’un yaaga kam a Pind a Tedu ke, a reefandin no duleer um.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

O leetar ole Pool a bindna GIMU WE NGENNA ROM 3:21

Ndiiki koy, Roog a feeñla a in ne o kiin a waagna o jofit mbaambir um, too reefkee no kebil ke. Kebil ke fo duleer we sax a layit’aan.

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

A pi ake 10:43

Duleer we fop a seede’a no ten ee oxuu gimna no ten, a daaw a baasan pakaad no gon um.»

A pi ake 6:7

Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

A cangatin ale 33:27

Roog fee na refkaa boo faw refu njaɓnooxand of, a naax ake na ndefkaa boo kili a ndeegooxong. Ten na raxaa fañ we mbaambir of soo a heblong o moocand a den.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.