O leetar ole Pool a bindna GIMU WE NGENNA ROM 16:21 - NQAARIIT NE ROOG

²¹ Timote fee o yoon es no calel ke oxe simnaa a nuun. Lukiyus fa Yaason fa Sosipateer we fogtuuma xeet, owe simnaa a nuun itam.

O leetar ole Pool a bindna GIMU WE NGENNA ROM 16:21 Referans Kwoze

A pi ake 20:4

Weeke ndeeƭu we yoon’ina fa den: Sopateer fee o ƥiy Pirus fee genna na teeru faa Beere, Aristark fa Sekondus we ngenna na teeru faa Tesalonik, Gayus fee genna na teeru faa Derbe, Timote fa Tisik fa Torofim we ngenna no jegel olaa Asi itam a mboga teen.

A pi ake 17:5

Kaa koy, Yaawuur we a may’a fo ciis. A ndalfooxa o mbokat a laƭti ke ndeeƭna no ped ke, a yo’in faan laa soo a inooxan teeru faa. A yena no mbind Yaason, too a mbaaƭooga maa da ƥisitna a Pool fa Silaas mbaambir xeet fee.

A pi ake 13:1

A jeg’a no mbokatax ne no gimu we Ancook duleer Roog fo jaajangin. Den ndeeƭu Barnabaas fa Simewon fee lastitoogeena Ɓaal fa Lukiyus fee genna Kireen fa Sool fa Manahen. Manahen feene koy, deƥandoong’u fo o maad Herood.

O leetar ole Pool a bindna GIMU WE NGENNA ROM 16:11

simin a Herojon fee fogtuuma xeet fo ƥasil ne refna no mbind Narkis, too a ngim no Yaal oxe.

O leetar ole Pool a bindna GIMU WE NGENNA ROM 16:7

simin a Andoronikos fa Yuñaas we fogtuuma xeet, too a ndeeƭu fa mi kam kaso, a ndef waa apootar we a niwna. Den sax eetaxam o ngim na Kiristaa.

Hebre 13:23

Kaam bug nu and ee o pog in Timote a sute kaso. A teelangaa o gat, xam yooniid fo ten, ɗeetiid a nuun.

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

2 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, nuun we mbogna na Roog Faap in fo no Yaal oxe Yeesu Kiristaa.

1 Tesalonik 3:6

Kaa koy, miñee dara, Timote a ɓisiida o nan o felu no ne nu ndamooritna no ngim onqe fo ne nu mbexritna. A doona teen, a lay ee kaa nu ngen no nqalaattaa a in jam soom, mbug o nga a in bo. Neene itam, i mbugtun na nuun.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

1 Tesalonik 1:1

Mi Pool fa Silwe fa Timote na mbindaa a nuun o leetar oleeke. Kaa i simnaa a nuun, nuun mbokatax ne no gimu we kam teeru fee Tesalonik, mbogna na Roog Faap fee fo no Yaal in Yeesu Kiristaa. Koo yaasam nu njeg yirmande fa jam.

Kolos 1:1

Mi Pool fee Roog a jilna, a doonaam apootar Kiristaa Yeesu, mi fa Timote fee o pog in na mbindaa a nuun o leetar oleeke.

Filip 1:1

Mi Pool fa Timote we faɗ Kiristaa Yeesu na mbindaa a nuun o leetar oleeke. In we simnaa a nuun, nuun tedu we Kiristaa Yeesu ngenna kam teeru fee Filip, nuun fop fo aa-adax nuun fo diidimle nuun.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

A pi ake 19:22

Maaga, a lula a Timote fa Eraste, ndeeƭna ɗik no diidimle we ten, da ndet no jegel olaa Makedoni. Ten fa xoox um o mat, no jegel olaa Asi a yoq’u a pe a leng-leng.

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

A pi ake 17:14

Maaga, fog gimu waa a ñofa o ƥis a Pool na ƭat alaa no maag olaa, ndaa Silaas fa Timote o mat, Beere a yoq’u.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.