O leetar ole Pool a bindna GIMU WE NGENNA ROM 16:2 - NQAARIIT NE ROOG

² Fat nu ndalnin a paax no gon le no Yaal oxe, mbi’tin ne ta warna o refit a ndeer waa mbogna na xeet fee Roog. Ndimle’eenoo no ke refna soxla um fop farna fa nuun. Wiin mayu a nqotta o ndimle na Foybe feene, moƴtaa sax mi feeke.

O leetar ole Pool a bindna GIMU WE NGENNA ROM 16:2 Referans Kwoze

Filip 2:29

Ndalniteenoo nen o pog nuun no Yaal oxe fo o ɗaay o deyu sik, niw wiin we nandna nen o ten,

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

2Saŋ 1:10

Oxuu layiidna a nuun paru na Roog, too jangnee keene, baa dal no mbind nuun, too ba nu simnin sax,

Filemon 1:17

Yaaga boog, o humoorangaa fa mi nqaariit, fat o dalnitin ne dalnitkoogaxamoona.

Filemon 1:12

Mexe nomtiidang o ten ndiiki, ten fee refatna genwal es.

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

1 Timote 2:10

Kaa koy, fat a tokax den a ref a pi a paax, ne rew waa na ndagooxaa a Roog a mbarna o nand.

Kolos 4:10

Aristark fee fogtuuma kaso, oxe simnaa a nuun, ten fa Mark fee o maasir Barnabaas. Ten o mat ne’oogum, ye layuuma yee boo ta garna, fat nu ndalnin a paax.

Efees 5:3

Nuun, na xeet fee Roog nu mbogu. Ten taxu nu ndeyee o moof, layeel kaa jofna no ceeq mbaat no caasaay mbaat na yuxum a paaxeer.

O leetar ole Pool a bindna GIMU WE NGENNA ROM 16:23

Gayus fee dalnaxama, me gimu we fop a mbokatooraa, oxe simnaa a nuun. Eraste o keegeek xaaliis oxe na teeru fee fo o pog in Kuwartos itam, owe simnaa a nuun. [

O leetar ole Pool a bindna GIMU WE NGENNA ROM 16:9

simin a Urben o yoon es no calel ke Kiristaa fa Estakis fee fexuuma.

O leetar ole Pool a bindna GIMU WE NGENNA ROM 16:6

Simnanaamoo a Mari fee jalna boo a tas yaam nuun,

O leetar ole Pool a bindna GIMU WE NGENNA ROM 15:7

Njaɓaniryo a ndeer nuun, ne Kiristaa a jaɓanitna a nuun, ndax Roog a ɓoxotel o ndam.

A pi ake 9:41

Piyeer a cooxaan o ɓay, soo a geennin. Cinj kaaga, a xoya gimu we fo ñaaw we itam, soo a lal a den o tew oxe na ñoowatinaa.

A pi ake 9:39

Piyeer a naaga daket a inoox, a yoon fa den. Ye da mbadiidna, a ƥisaan na ndok-took alaa. Ñaaw we fop kaa mbid’un o kurul-keƥ, a ndef na xa lool, a lalan sabadoor ke fo xa porok axe Dorkas a ɗiisoogna ye ta refaa fa den.

A pi ake 9:36

Kam teeru faa Yope, a jega ndeer no daalbe waa o tew oxaa ne’eena Tabita (kaa layeel Dorkas no ɗelem gerek, ta tekit «mbat ne»). Oxeene kaa fi’oogu a pi a paax a mayu, a sadaxtaa.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

A pi ake 9:13

Anañaas a doona yee: «O Yaal oxe, nantaam no wiin mayu, da layaa paaxeer ke o koor oxeene a fi’na we mbogna na wo Yeerusaleem.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

O leetar ole Pool a bindna GIMU WE NGENNA ROM 16:15

simin a Filolog fa Sili fa Neere fo o cigeen um fa Olimpa fo fop we mbogna na xeet fee Roog, too a ngen fa den.