O leetar ole Pool a bindna GIMU WE NGENNA ROM 16:19 - NQAARIIT NE ROOG

¹⁹ Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

O leetar ole Pool a bindna GIMU WE NGENNA ROM 16:19 Referans Kwoze

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

Filip 2:15

ndax nu ñak sik, nqool, ndef xa ƥiy Roog xa cegee ƥanjel a ndeer no wiin yaqooxu waa ngalafna. Ndeer no weene, kaa o ñoow nuun a meleƈaa nen xa qoor axe na asamaan,

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Efees 5:17

Ten taxu ba nu ndef ɗof, ndaa andyo o bug ole no Yaal oxe.

A kim a tedu ke 101:2

Kaam bug o goorgoorloox o ñaaƴnit ne ta helitna. A mban o garkaa farna fa mi? Xam ɗofit o ñaaƴaa fo xeeñ jofu kam mbind es.

YEGIL MBAAX NE YEESU ne Lik a bindtuuna 10:3

Ndetyo! Mexe lulaa a nuun nen fo mbaal kam xa moon.