O leetar ole Pool a bindna GIMU WE NGENNA ROM 16:18 - NQAARIIT NE ROOG

¹⁸ Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

O leetar ole Pool a bindna GIMU WE NGENNA ROM 16:18 Referans Kwoze

Kolos 2:4

O nanangaa um layaa keene, kaa bugiim o leng a laxad a qoox nuun fo mbel-o-ɗek,

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Tesalonik 2:10

Kuu naanaxir ke no cofaƭaru xe a mbaagna mbaag o ndef fop oo, we mo’na ndefu we yapatilna o mbex ndigil ne mucilkoogna a den.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Xa peƭit axe 22:3

O kiin o qofu xe kaa ga’aa taamaala fee na garaa soo a woñin, oxe raƥna yiif o mat a suuraa rek soo a gomin.

Kolos 3:24

Andyo yee xan o Yaal oxe a coox a nuun ndabid ne refna ref lam ne. Kiristaa refu o Yaal oxe nu ndagooxaa.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

O leetar ole Pool a bindna GIMU WE NGENNA ROM 16:19

Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

Mace 24:11

Xan a jeg duleer maamaaɓ mayu waa ngarna, too xan a nax wiin mayu.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Heseki’el 13:16

Taa duleer weene na Isra’el njo’toogna na Yeerusaleem too a nga’anoogun peeñil jam, too yaaga fop oo jam jeg’ee? Mi o Yaal oxe na refkaa boo faw layun.»

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Xa peƭit axe 14:15

Oxe raƥna yiif, kuu ta layeena a gimin, o kiin o teeyu xe mat a xalaataa soo a fi’kaa.

Xa peƭit axe 8:5

Nuun we ndaƥna a yiif, aqatooxyo a kortax, nuun panxoy ke, njangyo o ƴiƴ.

A kim a tedu ke 119:130

Ke hatna no don of a feeñooxangaa, a ɓisiid a qoolaand, a ci’aa we ndaƥna yiif o jeg-yiif.

A kim a tedu ke 19:7

Kaa ɗisooraa no cat leng ne na adna, a haktik no cat lakas ne, too dara waagee o singoox ñalal le ten.

2 Caloori ke 18:5

O maad oxe Isra’el a dalfooxa o fokat duleer teemeed nahik we, soo a laamit a den ee: «Ndax i mbara o nqire’ik, ndax i njangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan Roog a ɓoxotin na xa ƥay of.»

1 Sami’el 2:29

Yaaga boog, xar taxu nu ŋastaa sadax ke fo ci’it ke mi ndiiki, mbañ o mbi’it a den ne heblitanuuma a nuun no Ngenand es? Yaam fa xar o niwaa xa ƥeef kupu ke o niwaxam? Xar taxu nu mbaaƭaa xa pud xa maak na seek ake moƴna o mbaax no fop ke xeet es a ci’iidaxam?

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

2 Sami’el 15:6

Neene Absalom a fesooroogu fo Ii-isra’el we ndetoogna maa no maad oxaa fop, ndax da layoorel. Neene mat a naxtoogu goor we Isra’el, a ƴax a den nof.

A kim a tedu ke 12:2

O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

Dañel 11:34

Yaa fo ñagadil keene, xan a ƈufgel o ndik, too mayu xan a yoon fa den, a yoon a yulanq.

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.