O leetar ole Pool a bindna GIMU WE NGENNA ROM 15:8 - NQAARIIT NE ROOG

⁸ Kaam ee, Kiristaa kaa gar, a refat o tag no Yaawuur we, ndax ta feeñil a den ne Roog a gore’itna. Keene kaa jeg, ye ta fadinna ke Roog a reg’ina daan waa den.

O leetar ole Pool a bindna GIMU WE NGENNA ROM 15:8 Referans Kwoze

Mace 15:24

Yeesu a doona yee: «Lakas taxee um luliidel, a refangee paal mo’u ke Isra’el.»

YEGIL MBAAX NE YEESU ne Saŋ a bindtuuna 1:11

Kaa gar me no wiin um, da mbañin, a mbesin a cinj.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

O leetar ole Pool a bindna GIMU WE NGENNA ROM 3:3

Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

Efees 2:12

No camaane kaaga, kaa nu ngoƭatir’u fa Kiristaa, ndef genar. Nu mbog’ee na xeet fee Roog a jilna. Nu mbog’ee itam no kiɓoor ke ndalin’eena took a tegit ale Roog a fi’anna xeet um. Kaa nu ñoowoogu na adna fee, ñak yaakaar soo ñak a Roog.

O leetar ole Pool a bindna GIMU WE NGENNA ROM 11:30

Yaaga, kaa nu mbañ’u o nanan a Roog. Kaa koy, nanaƭar ne no Yaawuur we a taxa nu ndaawat yirmande fee Roog ndiiki.

O leetar ole Pool a bindna GIMU WE NGENNA ROM 11:22

Ɗeetaqini kat ne Roog a feeñlitna o paaxel um fo o ñangel um. Kaa ñang no we yenna, soo na wo koy, ta letnong o paaxel um. Fat o gen no paaxel um oleene boog, ndax ɗegkaandee tapit nen a naaq.

O leetar ole Pool a bindna GIMU WE NGENNA ROM 4:16

Ten taxu Roog a rega a Abraham lam ne yaam o ngim um. Keene koy, ci’it yirmande Roog oo, ndax a tegit ale a woor xa taan um fop. Refanee we na ndeefaa kebil ke soom, ndaa kaa ret boo no we njegna o ngim onqe Abraham a jeg’ina. Ten refu o taan in

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.

1 Korint 10:29

Meeke, nu nanaan, ne’iim a yiif nuun, ndaa yiif no lakas. Xar na taxkaa yiif no lakas a ɓanjaa ke um fi’aa fo yiif jeejooxeer?

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

1 Korint 10:19

Kaam ee: Ndax njuurax mbaat mbangool a njega o njiriiñ?

1 Korint 1:12

Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

Xa peƭit axe 8:7

O don es ndigil soom a yegnitaa, ɗelem es a sib o maaɓ.