O leetar ole Pool a bindna GIMU WE NGENNA ROM 15:32 - NQAARIIT NE ROOG

³² A reftangaa neene, too ta fel a Roog, xam fadtiid o ɗaay o maak, soo gif a ñootnax me nuun.

O leetar ole Pool a bindna GIMU WE NGENNA ROM 15:32 Referans Kwoze

1 Korint 16:18

boo da ndalin yiif es ne da ndalnitna ake nuun. Kaam ee ngela ndamityo wiin nandu neene ƥay ƭik.

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

Filemon 1:20

Ii, o pog es, mexe xeɗang o ci’aam, um daawit keene na wo yaam o Yaal oxe, too o dalin xeeñ es na Kiristaa.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

2 Korint 7:13

Keene riimand’u a qeeñ in. Refee soom ee a yaalax i ndaawu, ndaa i moƴ’a o mbelakinoox itam yaam o ɗaay ole Tiit a jegit’ina na nuun, nuun we ndalin’ina xeeñ um.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

Saak 4:15

Kaa nu mbar o layaa kañ ee: «A felangaa a Roog» mbaat «Roog a maadnoorangaan a in, xan i mbi kene.»

1 Korint 4:19

Kaa koy, a felangaa o Yaal oxe, ndiik um ɗeetiid a nuun, too a koom um andan a xoox es katil no ga’atinooxu weene, fañ o day no ke da layaa,

A pi ake 27:1

Ye i mbosooxna o ndok a kaal koy, ndax i ndet no saax laa Itali, Pool fo leng-leng waa ndam’eena a ƥoxote o aa-adax no xiixire teemeed oxaa ne’’eena Yuliyus, too a fog’u na qaaj no xiixire le no maad o maak oxe.

Xa peƭit axe 25:13

Nen a ƥuuɓaan foofi galaas yaa fo a saxad, neene o tuleer o kore’u a nandu no xe luluuna. Kaa ɓutandaa kam no yaal mbind um.

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.