O leetar ole Pool a bindna GIMU WE NGENNA ROM 15:26 - NQAARIIT NE ROOG

²⁶ Kerceen ke Makedoni fo we Akayi kaa ngeboox o mbokat kaa dimle’teena rool gimu we kam Yeerusaleem.

O leetar ole Pool a bindna GIMU WE NGENNA ROM 15:26 Referans Kwoze

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.

Filemon 1:5

Gon of a jootiida boo me mi yaam ne fexoona tedu we fop fo ne gimtoona no Yaal oxe Yeesu.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

A pi ake 18:12

Na jamaane faaga koy, a soƥ Galyoŋ a refaa gofornoor no jegel olaa Akayi, Yaawuur we a mbokatoorana a Pool. A ƥisaan no hate’and olaa,

A pi ake 16:9

No yeng olaa, Pool a feeñooxe. A ga’a o kiin oxaa genna Makedoni a geenoox a xeɗooxan ee: «Koo gari Makedoni, ƴufgiid a in.»

YEGIL MBAAX NE YEESU ne Lik a bindtuuna 14:13

Kaa koy, boo o xurtataa, xoyi rool we fo xaru we fo ɓoof we fo fuul we.

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

Mace 26:11

Rool we owe fa nuun bes fuu refna, ndaa mi, refkiim fa nuun boo faw.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Sakari 11:11

A koom ngiɓoor ne a ɗegu. Teefaŋke ke ngoroogaxama a and’ata yee o Yaal oxe hebil’axam ke fi’ooguuma.

Sakari 11:7

Gaykaam boog paal ke no teefaŋke ke mbaajoogeena o ƥis no warand, pokoox xa loq xa ƭaq axaa ne’uuma, oleeke «Yirmande», olaana «Ngiɓoor», gaytik a den paal ke.

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

Xa peƭit axe 14:31

Oxe na toroxandaa o ndool onqe, kaa xeef oxe sakuuna, yirim o toroxu xe mat a ref o niw o saasak um.

Xa peƭit axe 14:21

Oxuu xeefna o kend um, a fi’a bakaad, oxe na yirmaa neewu doole we mat a ɗaaya.

A pi ake 9:13

Anañaas a doona yee: «O Yaal oxe, nantaam no wiin mayu, da layaa paaxeer ke o koor oxeene a fi’na we mbogna na wo Yeerusaleem.

A pi ake 16:12

Yaa i inoorna maaga, i ndeta Filip refna teeru faa eetna no ŋat olaa Makedoni, too Roorom we a njegoogu maaga. I yoq’a a pe a leng-leng na teeru faaga.

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

1 Korint 16:5

Boo ƴutuuma a ñaaƈ es no jegel ole Makedoni, xam ɗeetiid a nuun, yaam xam xaañ a Makedoni.

2 Korint 1:16

Bug’aam o reeftiid me nuun, suur no jegel olaa Makedoni, dakoox o gattiid me nuun, ndax nu ndimle’aam, um ret Yudee.

2 Korint 2:13

no laaw o xaƭa reeƭum, yaam ne ga’eeruuma a Tiit fee o pog es. Ten taxu layaam a den ee: «Yoqyo fa jam, mexe suuraa Makedoni.»

2 Korint 7:5

Naa i mbadiidu Makedoni, jegee maa cer in a mbaagna o ñootnoorit. Kaa i ƥiiklel o saax oo saax, ñoxoreel, a qeeñ in a ngen no sendaa.

2 Korint 9:4

Kaam xof yaam ndik Maamakedoni a yooniid fa mi me nuun, too a soƥ waaj nuun ɓelee, soo fakax felaan leene a suptoox gaci na in, yaam ne’katiim sax fee na nuun.

2 Korint 11:9

Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

Filip 4:15

Nuun Fiifilip we, nu anda sax tigi yee, ye Yegil mbaax ne a sogeena o waare boo um ret Makedoni, mbokatax no gimu leng sax cooxiraam ƭaxir soxla, a refangee ne nuun.

1 Tesalonik 1:7

Ten taxu, nu ndefata o ɗeendoor mbaambir no wiin gimu we no jegel ole Makedoni fop fo no we no jegel ole Akayi,

1 Tesalonik 1:8

yaam fa lay fee no Yaal oxe a jaaƥatiloortiida na nuun. Fa lay feene dayee soom kam Makedoni fa Akayi, ndaa o ngim nuun na Roog a nannooka muu refna. Keene koy, o layatan sax, caali yoo na in.

1 Tesalonik 4:10

Keene sax refu o mbeq onqe nu njegna a ndeer no fog gimu we Makedoni fop, ndaa koy fog we, in we nqeɗaa a nuun a koorgoorlax nuun a moƴ o jof mbaambir.

1 Timote 1:3

Ne layit’oonga o ten ye um hebooxaa o ret Makedoni, mexe dakooxang o wetandaa yee: Moofi Efees, ndax o waag o maƭoox wiin we ndefna maaga, too a njangnaa kaa refeerna ndigil ee mbariran o mbi.