O leetar ole Pool a bindna GIMU WE NGENNA ROM 15:19 - NQAARIIT NE ROOG

¹⁹ na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

O leetar ole Pool a bindna GIMU WE NGENNA ROM 15:19 Referans Kwoze

2 Korint 12:12

Ke na laltaa yee apootar tigi refum a feeñle mbaambir nuun na pexey o muñ no kuu refna fo xa anddiloor fo comlaand fo a pi katil.

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.

Galati 3:5

Oxe ci’na a nuun Yiif um too a fi’aa a pi katil a mayu a ndeer nuun, ndax kaa fi’an yaam ne nu ndeefaa ke kebil ke a layna, ndi yaam ne nu nanna Yegil mbaax ne too ngimin?

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

A pi ake 20:6

In o mat, yaa Xew faa no puuru canja’e ke a faafna, i ndokta a kaal kam teeru faa Filip boo njeg ñaal ƥetik no maag. Yaa i mbadiidna na teeru faa Torowaas, i soƥa a den maaga, too i njeg’a maaga pes ɓetuu ƭik.

A pi ake 17:10

No yeng olaa, fog gimu we a suurna a Pool fa Silaas, da ndet Beere. Yaa da mbadna, a ndoka kam mbind a qeƭ naa no Yaawuur waa.

A pi ake 20:20

Nu andooda sax ee ɗasniim a nuun dara no ke waagna o jiriiñ a nuun. Kaam yegin a nuun fa lay fee Roog kañ, waare a nuun no qel ke fo kam pind ke nuun.

A pi ake 19:1

Ye Apolos a refna na teeru faa Korint, Pool a xaañooga o jegel olaa na xa coong axe too a fudoortiida Efees. A soƥa maaga daalbe leng-leng,

A pi ake 18:19

Ye Pooliin a mbadiidna na teeru faa Efees, a xaƴa a Pirisil fa Akilaas maaga. Ten fa xoox um o mat, a roka no mbind a qeƭ naa, a jeetaayaa fo Yaawuur waa.

A pi ake 18:1

A cinj kaaga, Pool a inoora Aten a ret Korint.

A pi ake 17:15

Waa yoon’ina a Pool a mbeltaan boo Aten, soo a nomtooxiid Beere. Ye da mbadiidna, a laya ƥisnit neeke na Pool: «Fat Silaas fa Timote a soƥiidaam no kaa moƴna o ñof.»

A pi ake 16:18

A fi’a kaaga boo ñaal mayu. Yaa Pool a xijna, a wiƈaqilooxa, a lay jini faa yee: «No gon le Yeesu Kiristaa, mexe heblang: Sutooxi no ten!» Na waxtu faaga sax jini faa a sutooxa.

A pi ake 15:12

Maaga, moofand naa fop a naaga cel a nan-gilooxaa a Barnabaas fa Pool, da mbetandooxaa xa anddiloor axe fo comlaand ke Roog a fi’nooroogna a den a ndeer no we ndefeerna Yaawuur.

A pi ake 14:25

A yegnita fa lay fee Roog kam teeru faa Perge, soo a suur boo Atali.

A pi ake 14:20

Kaa koy, ye gimu waa a mbiduuna o kurul-keƥ, a inooxa, too a roka kam teeru faa. No feet olaa, a ndeta Derbe, ten fa Barnabaas.

A pi ake 14:10

Maaga, Pool a layaan a maak ee: «Inooxi! Geenooxi fo a caf of!» Maaga, a naaga daket a inoox, soo a ñaaƴ.

A pi ake 14:6

Yaa goor ɗik waa a nanna kaaga, a njaɓnooka kam teeru kaa Listeer fa Derbe mbogna no jegel olaa Likawoon fo ke widuuna.

A pi ake 13:51

Kaa koy, den ɗik a yirifa a den fo ut a caf den ndax ta ref seede na den, soo a ndet Ikooñum.

A pi ake 13:14

Den we inoor’ina Perge o mat, a ndeefa a ƭat ale boo a mbadiid Ancook kam Pisidi. Na bes faa na ñootnax alaa, a ndoka kam mbind a qeƭ naa, a moof.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

YEGIL MBAAX NE YEESU ne Saŋ a bindtuuna 4:48

Yeesu a layaan ee: «Nu ngimkee muk, a refangee kaa nu nga xa anddiloor fo comlaand!»

Mace 12:28

Kaa koy, a refangaa yee na pexey Yiif le Roog um raxtaa cini ke, yaaga Maat ne Roog a fadiida me nuun.

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

Kolos 1:25

Kaam doonel jalanan, ta ref a ref ke taxna Roog a doonaam a ndeer nuun, ndax um yegnit fa lay fee Roog ta dey sik.

O leetar ole Pool a bindna GIMU WE NGENNA ROM 15:24

Bugaam o fi keene yaa um retaa Espaañ. Yaakaaraam o ga a nuun, yaa reefiiduuma meene boo daaw o ndimle nuun, ndax um waag o suur no saax leene, ta ref itam o wooƥ olaa um waagkaa o moofit fa nuun boo ñaal leng-leng.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.