O leetar ole Pool a bindna GIMU WE NGENNA ROM 15:18 - NQAARIIT NE ROOG

¹⁸ Boo andoona yee saɗaam o lay tig, kaa ref ke Kiristaa a fi’na na pexey es, ndax um ɓakandiid we ndefeerna Yaawuur, da nanan a Roog. Fa lay a fi’tun fo a pi

O leetar ole Pool a bindna GIMU WE NGENNA ROM 15:18 Referans Kwoze

A pi ake 15:12

Maaga, moofand naa fop a naaga cel a nan-gilooxaa a Barnabaas fa Pool, da mbetandooxaa xa anddiloor axe fo comlaand ke Roog a fi’nooroogna a den a ndeer no we ndefeerna Yaawuur.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A pi ake 21:19

Maaga, Pool a simnira fa den, a wetandoox a den ke Roog a fi’’ina no we ndefeerna Yaawuur fop a reefandin no calel ke ten.

Galati 2:8

Roog fa leng kut fee xiirna a Piyeer ta refat apootar a ndeer we nqucooxna, xiiraxam um refatin itam a ndeer we nqucooxeerna.

Xa peƭit axe 25:14

Oxe na ga’atinooraa ci’it too cooxitkee a den, kaa nand nen o ufang.

2 Tesalonik 2:17

Yaasam ta yaal a nuun, a ci a nuun nu saƭik na pi a paax fo na ƭelem a paax itam!

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

Hebre 11:8

O ngim tax’u Abraham a jaaɓ o xoy ole Roog, a ret no saax jan le Roog a reg’uuna. Naaga, Abraham a reta, too andee me ta hakkaa.

Hebre 5:9

Neene a ñaktu sik, boo a refat a cur a muc a pagkeer ale no we nananuuna fop.

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

2 Korint 12:6

Um bug’angaa o fakoox, taxkoogee sax um ɗof, yaam ndigil laykoogum. Kaa koy, kaam wootooxaa keene, yaam ndik o kiin a ɗeetaam a ngid alaa hupna ke ta ga’aa na mi mbaat ta nanan.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

A pi ake 15:4

Yaa da mbadiidna Yeerusaleem, mbokatax ne no gimu we fo maak waa fo apootar waa a ndalna a den, too Pooliin a mbetandooxa a den ke Roog a fi’’ina fa den fop.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

2 Korint 3:5

Saɗaand o lay muk ee na pexey kaŋ-kaŋ in i mbi’taa tig. Kaa koy, o waag in, oxe inoora na Roog.

Mace 25:16

Ndak fo ndak, oxe doxin’eena xa qanjar xa ƥetaq a reta, soo a rimand a den boo a jegat xa qanjar xa ƥetaq xa lakas.