O leetar ole Pool a bindna GIMU WE NGENNA ROM 15:13 - NQAARIIT NE ROOG

¹³ Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

O leetar ole Pool a bindna GIMU WE NGENNA ROM 15:13 Referans Kwoze

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

2 Korint 9:8

Roog a jega katil faa ta mayƭanditna a nuun fo paax kuu ndefna, nu ngen no njegaa kili ƭaxir soxla nuun fop, boo ta yoq kaa waagna o jal paax,

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

O leetar ole Pool a bindna GIMU WE NGENNA ROM 15:5

Yaasam Roog fee na muñantaa, too a yaalaa, a fi boo nu mbaag o ñoowaa no njofoor a ndeer nuun, ndeeftin ne Kiristaa Yeesu a laltituuna,

YEGIL MBAAX NE YEESU ne Saŋ a bindtuuna 14:1

«Ba nu njaaxiɗ, ngimyo na Roog, ngim na mi.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

Esayi 55:12

O ɗaay nu nqotitkaa a ƭat, soo yooneel na jam. Xa coong axe fo a ñaang ake xan a ƈeelaa mbaambir nuun, soo taxar ke na koƥ ale fop a mboxaa.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

Hebre 6:11

Kaa koy, i mbuga oxuu refna na nuun a lalit o jaflax ole nu njeg’ina boo no muukandoong naa, ndax yaakaar nuun a dey sik.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Efees 1:2

Yaasam Roog Faap in fo o Yaal oxe Yeesu Kiristaa a ci a nuun yirmande fa jam!

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

1 Sami’el 1:18

O tew oxaa a doonaan ee: «Yaasam o ceefeer of a daaw keñya of fo ten.» A inooxa, a ret, a sog o waag o ñaam, yaam yogorloox’atee, too a tagid um a fel’ata.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.