O leetar ole Pool a bindna GIMU WE NGENNA ROM 14:7 - NQAARIIT NE ROOG

⁷ O leng na in ñoowanee a xoox um soom, too o leng na in xonanee a xoox um soom.

O leetar ole Pool a bindna GIMU WE NGENNA ROM 14:7 Referans Kwoze

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

1 Tesalonik 5:10

Kaa xonan a in, ndax i ñoowaa fo ten, yaa i nqonna mbaat yaa i ñoowaa.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

O leetar ole Pool a bindna GIMU WE NGENNA ROM 14:9

Yaam Kiristaa a xona, a xontoox, ndax ta refan we na ñoowaa fo we nqonna o Yaal den.

Sakari 14:21

O xuɗoox oluu refna kam Yudaa fo kam Yeerusaleem, xan a ted no Yaal oxe Hupna fop, too oxuu sadaxitna xan a waag o xot teen, a jawtikin. A koom, o leng jikooxkatee kam Mbind ne no Yaal oxe Hupna fop.

O leetar ole Pool a bindna GIMU WE NGENNA ROM 8:38

Yaam a wooraxam ee dara waagkee o saƭtirand a in fo o mbeq um, ta ref fa nqon mbaat o ñoow, malaaka mbaat cini ke, ke na xewaa ndiiki mbaat ke na garaa,