O leetar ole Pool a bindna GIMU WE NGENNA ROM 14:6 - NQAARIIT NE ROOG

⁶ Oxe na jilaa bes ee yaam kaa jeg o njiriiñ, kaa simattan o Yaal oxe. Oxe waagna o ñaam kuu refna itam, kaa simattan o Yaal oxe, too a gidmaa teen a Roog. Oxe saɗeerna o ñaam kuu refna kaa simattan o Yaal oxe, too a gidman itam.

O leetar ole Pool a bindna GIMU WE NGENNA ROM 14:6 Referans Kwoze

Mace 15:36

A janga puuru ɓetuu ƭik kaa fo liƥ kaa, soo a gidim a Roog. Cinj kaaga, a xusta a den, soo a cooxin daalbe we ndax da lasin wiin waa.

Mace 14:19

Yeesu a hebla wiin waa fop da moof no suuƴin le. A janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

Galati 4:10

Kaa nu ƥaalaa ñaal ke fo a qool ake fo camaane ke fo xa kiid axe, tee kaa nu mbadnaa o mbaax onqe.

YEGIL MBAAX NE YEESU ne Saŋ a bindtuuna 6:28

A layaan yee: «Xar i mbaru o mbi boo mbadin a pi ake Roog a bugna?»

Esayi 58:5

Ndax keene refu koor ne buguuma, ñaal ne o kiin oxe a damna cer um? Yoorin xoox nen xeet, deroox o saaku, wondoox kam ndaw, ndax no ndigil keene nu nqoyaa koor, ñaal naa felna o Yaal oxe?

A sutax ale 16:25

Moyiis a laya yee: «Ñaameenoo xaye. Xaye refu bes a ñootnax ale no Yaal oxe, too nu soƥkee dara na koƥ alaa.

A sutax ale 12:42

O yeng ole na bes faaga koy, a refata o yeng olaa Ii-isra’el we a mbe’aa a ngirnanaa o Yaal oxe, yaam ne ta sutna a den no saax laa Misira. Fat Ii-isra’el we fop boo na xa taan den a ngirnanaa o Yaal oxe o yeng oleene fop.

A sutax ale 12:14

Fat nu mbetandooxaa koy bes feene, ta ref bes faa nu ndoofandanaxam, mi o Yaal oxe. Fat nu ndoofandan, ta ref nen kebil naa faafkeerna boo na xa taan nuun.»

Sakari 14:21

O xuɗoox oluu refna kam Yudaa fo kam Yeerusaleem, xan a ted no Yaal oxe Hupna fop, too oxuu sadaxitna xan a waag o xot teen, a jawtikin. A koom, o leng jikooxkatee kam Mbind ne no Yaal oxe Hupna fop.