O leetar ole Pool a bindna GIMU WE NGENNA ROM 14:21 - NQAARIIT NE ROOG

²¹ Ke faaxna refu o tuub a tegeƴ fo a yer a qaaɗu, waas fop ke waagna o maafnoor o pog of na bakaad.

O leetar ole Pool a bindna GIMU WE NGENNA ROM 14:21 Referans Kwoze

1 Korint 8:13

Keene o mat taxu boo andoona yee kaa ñaamel ke reeruuma a nar o ndef a panq na caf no kimu lakas, ñaamkiim no roon olaaga muk, yaam ndik ta fes o ngim onqe a cinj.

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Hebre 12:13

Naangyo o ñaaƴaa na ƭat a cofu ke, ndax a caf ale no xe na laƴaa ɓolooxkee ndaa ndax ta wod.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

O leetar ole Pool a bindna GIMU WE NGENNA ROM 14:17

Fog no Maat ne Roog niinee dara fo ke na ñaameel mbaat ta yereel. Maat ne Roog refu jeg o cofel fo o ɗaay fa jam mbaambir Roog na pexey Yiif Tedu le.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

1 Korint 8:9

Kaa koy, fat nu mbootoox, yaam nu mbaree o lay ee nuun njegu a qoox nuun no Yaal oxe boo nu ndefat a panq na caf no we neewna doole no ngim onqe.