O leetar ole Pool a bindna GIMU WE NGENNA ROM 14:2 - NQAARIIT NE ROOG

² A jega oxaa na xalaataa yee: «Waagaam o ñaam ñaamel kuu ndefna.» Oxe o ngim um a neewna koy, a xalaataa yee: «Saɗiim o ñaam a tegeƴ, tuufe-duufe soom um ñaamaa.»

O leetar ole Pool a bindna GIMU WE NGENNA ROM 14:2 Referans Kwoze

1 Timote 4:4

Ke Roog a sakna fop a faaxa, too dara waraand o diimb, yaa ta jangeena fo o ngidim,

O leetar ole Pool a bindna GIMU WE NGENNA ROM 14:14

Andaam ee jegee ñaamel kaa na ndiimbeel, yaam o Yaal oxe Yeesu a andnooraxam keene. Kaa koy, boo o kiin a ɓekna no yiif um ee ñaamel kene tiimbel oo, kaaga tiimbel a ndefataa no ten.

Xa peƭit axe 15:17

Ñaamaa nqoox ngude too mbofanir fo njaaku kam, ñaamaa laalaap too ndef na jam moƴun.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Galati 2:12

Ye we inoortiid’ina maa Saak a mbadiid’afuleerna, Kefaas kaa ñaamoogu fo gimu we ndefeerna Yaawuur, ndaa yaa da mbadiidna mbadiid rek, ta dalfoox o naag kuraac a sayoox, yaam ndik we sertoogna nquc a layin tig.

Mberaand 9:3

Ke na yo’nooxaa fop too a ñoowaa fat a refik ñaamel nuun. Ci’aanum a nuun ne fi’tanuuma no duufe le.

Hebre 9:10

Sadax keene, kaa njagin na ñaam ale fo na yer ale fo kaa farna no njap. Kaa ndef kebil kaa ndayna no cer ke, too a mbarel o ndeef, boo na jamaane fee Roog a jagandatinna fop.

Tiit 1:15

We nqoolna, kaa fop a xool na den. We andoona koy ee kaa ndef no ndoƭ, too a ngimaƭar, dara xoolee na den.

1 Korint 10:25

Kuu na jikooxeel na marse, nu mbaagaan o ñaam, too ba nu laamit dara, ndax yiif nuun siisooxkee tig.

Dañel 1:12

«Ngela jeemi topatoox a in, in we dag of, boo ñaal xarɓaxay kaa o cooxaa a in tuufe-duufe kaa i ñaamaa fo foofi laa i yeraa soom boo ga.

Dañel 1:16

Neene, oxe gaynaakoogna a den a suura no cooxaa a den tuufe-duufe ke soom, a xaƴ ñaamel ke fa biiñ fee o maad oxe a heblit’ina da cooxel.

Mberaand 1:29

Roog a layahina a den ee: «Daaƭ le fo taxar ke na ndimaa fop, cooxaanum a nuun, da ndefik ñoowir nuun.

O leetar ole Pool a bindna GIMU WE NGENNA ROM 14:1

Naangyo o ndalnaa oxe o ngim um a neewna, too ba nu ñimatir fo ten a qalaat um.

O leetar ole Pool a bindna GIMU WE NGENNA ROM 14:20

Baa ke o ñaamaa a ref muk ke na sañtaa calel ke Roog. No ndigil, ñaamel leng refee tiimb, ndaa tig paaxeer oo yaa ke o ñaamaa a maafnooraa o pog of na bakaad.

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

1 Korint 8:9

Kaa koy, fat nu mbootoox, yaam nu mbaree o lay ee nuun njegu a qoox nuun no Yaal oxe boo nu ndefat a panq na caf no we neewna doole no ngim onqe.

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.