O leetar ole Pool a bindna GIMU WE NGENNA ROM 14:19 - NQAARIIT NE ROOG

¹⁹ Yaaga boog, fat i naaɓaa ke na ɓisiidaa jam, too a jokaa o ngim a ndeer in.

O leetar ole Pool a bindna GIMU WE NGENNA ROM 14:19 Referans Kwoze

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

O leetar ole Pool a bindna GIMU WE NGENNA ROM 12:18

Mbi’yo fop ke nu mbaagna, ndax nu ñoowaa na jam mbaambir no wiin we fop, a waagangaa o jeg.

A kim a tedu ke 34:14

gayi ɗelem of boo laykee paaxeer, gay muuceek of itam na ƭelem a naanax.

O leetar ole Pool a bindna GIMU WE NGENNA ROM 15:2

Fat oxuu refna na in a waaƭaa ke faaxna no kend um, ndax oxeene a moƴ o jof mbaambir no ngim um.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

Mark 9:50

Fo jem a faaxa lool, ndaa fo jem o mat a jematangee, xar waagatu o tax ta jem? Njegyo fo jem na qoox nuun, too ñoowaa na jam a ndeer nuun.»

Mace 5:9

We na sakaa jam a ƭaaya, yaam xan Roog a xoy a den xa ƥeem!

1 Piyeer 3:11

Fat a goƭatir fo paaxeer, soo a fi’aa paax. Fat a waaƭ jam, a reefanin.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

1 Timote 1:4

Layi a den itam ee baa ŋereƥoox na nax mbaat da ñimatiraa fo njaangooƈ a ndetaa. Keene naagee o ataa dara a refangee ñimatir, too mbaagee o ngeenin calel ke na mbi’eel, ndax o ngim na Roog a jof mbaambir.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

1 Korint 7:15

O kimeer oxe a bugangaa o tas a las um no ndolnir, a waagaan o fi, fat a tasin, too yaaga oxe gimna, ta ref o koor oxe mbaat o tew oxe, refatee teen dara. Roog kaa mucil a in, ndax i ngen na jam.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 10:23

Ndigil oo, «waagaam o fi kuu felaxama», kaa koy, fop faaxee na mi, kaam ee, fop a waage o fi, ndaa refee yee fop a waaga o geenin tig.

1 Korint 14:3

Oxe andoona koy ee kaa Yiif le a ci’in, ta waag o jo’tan a Roog, oxaaga, wiin we a daawnaa fa lay Roog, a umbaa o ngim den, a ɓaataa a den njambaar no ngim onqe, a yaalaa a den.

1 Korint 14:4

Oxe na layaa lak-yiif, xoox um a jokaa, oxe na jo’tanaa a Roog o mat, a jokaa mbokatax ne no gimu we.

1 Korint 14:5

Um waag’angaan, nuun fop, Yiif le ci a nuun nu layaa lak-yiif, ndaa ke moƴuuma o bugan a nuun refu nu njo’tanaa a Roog. Yaam oxe na jo’tanaa a Roog hupu oxe na layaa lak-yiif, a refangeerna boog oxe na layaa lak-yiif kaa Yiif le ci’in, ta waag o lapatoox ke ta layna, ndax gimu we a ƥaatoorin.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.