O leetar ole Pool a bindna GIMU WE NGENNA ROM 14:11 - NQAARIIT NE ROOG

¹¹ A laye na Pind a Tedu ke yee: «Mi o Yaal oxe, ne ta wooritna yee mexe ñoowaa, neene a woortu itam ee xan wiin we fop a ngooknoox mbaambir es, too oxuu refna xan a xaanaa o ndam es, mi Roog.»

O leetar ole Pool a bindna GIMU WE NGENNA ROM 14:11 Referans Kwoze

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

O leetar ole Pool a bindna GIMU WE NGENNA ROM 10:9

Boo weejloona fo o don of mbaambir no fop ee Yeesu refu o Yaal oxe, gim no xeeñ of itam ee Roog a xontoornooraan a ndeer no xon we, yaaga xan o muc.

Esayi 49:18

Deɓi a kid of me widoonga too horoox a paax. Fop owe mbokatoora, a ngaraa me wo. Ne ta wooritna yee mexe ñoowaa, mi o Yaal oxe, neene a woortu yee xan a ndef na wo nen kumooxel kaa na mosandooreel. Xan o hiɓoor fa den ne o kulook a rokoortaa ceq um.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

O leetar ole Pool a bindna GIMU WE NGENNA ROM 15:9

Kaa fi boo waa ndefeerna Yaawuur a ƥoxot a Roog o ndam, yaam ne ta yirmitna a den. Keene ne’ooge, ye a Pind a Tedu ke a layna yee: «Ten taxu xam simatang ndeer qeet ke, xaanaa gon of.»

Mace 10:32

«Oxuu layna mbaambir no wiin we yee a andaxam, xam lay mbaambir Faap es fee refna na asamaan itam ee andaanum.

A lim ale 14:21

Kaa koy, ne ta wooritna yee mexey ñoowaa, mi o Yaal oxe fo ne ta wooritna yee o ndam es xan a mayƭand lanq ke,

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

A lim ale 14:28

Layi a den ee: Ne ta wooritna yee mexe ñoowaa, mi o Yaal oxe, xam doon a nuun ke nantuuma na nuun.

Yeremi 22:24

O Yaal oxe a laya a Yoyakin fee o ƥiy Yoyakim too a ref o maad Yudaa yee: «Ne ta wooritna yee mexe ñoowaa, a soƥ’angaa sax ee kaa o ref nen o heɗ o ñaasir no ɓay es o ñamaak, xam paltong no nqol es.