O leetar ole Pool a bindna GIMU WE NGENNA ROM 14:10 - NQAARIIT NE ROOG

¹⁰ Wo o mat, xar taxu koy o hate’aa o pog of? Kaam ee xar taxu o xeefaa o pog of? Mee ndax xan i mbokatoor in fop mbaambir Roog, ndax ta hate a in?

O leetar ole Pool a bindna GIMU WE NGENNA ROM 14:10 Referans Kwoze

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O baawaare xe 12:14

No ndigil xan Roog a hate a pi aluu refna, boo no ke ɗasna sax, ta ref paax mbaat paaxeer.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

YEGIL MBAAX NE YEESU ne Saŋ a bindtuuna 5:22

Faap fee naagee o hate’aa, yaam nqeloor nuu refna, na xa ƥay no Ƥeenqe a doonun,

A pi ake 10:42

Yeesu feene koy kaa hebil a in i mbaare’aa xeet fee, too seede’aa yee o ten Roog a dodu oxe na hate’kaa ñoow we fo xon we.

A pi ake 4:11

Keeke refu ke a Pind a Tedu ke a layna na Yeesu: ‹Nuun maamax we, ɓil le nu ndeɓ’ina a refata ɓil faraaj le.›

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

YEGIL MBAAX NE YEESU ne Lik a bindtuuna 23:11

Herood fo xiixire we ten kaa njeeroogu a Yeesu, a nqaadnooxan, a ndokanin ndoki mosu, soo a nomtin maa Pilaat.

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Mace 7:1

«Ba nu ngate’aa wiin we yaam ndik Roog a hate’aa a nuun.

YEGIL MBAAX NE YEESU ne Lik a bindtuuna 18:9

Yeesu a naxooxahina a den no kaa farna no wiin waa mbi’ooxoogna wiin jofu soo a nqeefaa lakas we.