O leetar ole Pool a bindna GIMU WE NGENNA ROM 14:1 - NQAARIIT NE ROOG

¹ Naangyo o ndalnaa oxe o ngim um a neewna, too ba nu ñimatir fo ten a qalaat um.

O leetar ole Pool a bindna GIMU WE NGENNA ROM 14:1 Referans Kwoze

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.

O leetar ole Pool a bindna GIMU WE NGENNA ROM 15:7

Njaɓaniryo a ndeer nuun, ne Kiristaa a jaɓanitna a nuun, ndax Roog a ɓoxotel o ndam.

O leetar ole Pool a bindna GIMU WE NGENNA ROM 14:21

Ke faaxna refu o tuub a tegeƴ fo a yer a qaaɗu, waas fop ke waagna o maafnoor o pog of na bakaad.

2Saŋ 1:10

Oxuu layiidna a nuun paru na Roog, too jangnee keene, baa dal no mbind nuun, too ba nu simnin sax,

O leetar ole Pool a bindna GIMU WE NGENNA ROM 4:19

Abraham mosee o neew o ngim muk, ye ta ga’na yee cer um, fa nqon rek a yoqɗatu, yaam ne ta jeg’ina farna fo xa kiid teemeed, too Saara fee o teem a faafat fa ndim, yaam ten itam oo a mat’a fa nqon.

YEGIL MBAAX NE YEESU ne Lik a bindtuuna 17:2

Oxeene kiin a rokel ɓil unir no cok soo a deɓel no maag olaa moƴu no ten ee ta tolofnooraa o leng na xa teɓaandoong axeene ngimna na mi.

Mace 14:31

Ndak fo ndak, Yeesu a letna o ɓay um, a damin, too a layin ee: «Wo soo neew o ngim! Xar taxu o gimaƭar?»

Mace 12:20

Patkee o siind ole ɓolooxna, too ñufkee o jam ole na ƥoñaa boo yaa ta dalinkaa o cofel ole Roog.

Esayi 42:3

Patkee o siind ole ɓolooxna, too ñufkee o jam ole na ƥoñaa. Xan a ñaaƴin o cofel no ndigil.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

Ke bindeena no xe ne’eena YOB 4:3

Yooɓ’aa o asaa lakas we, dimle’aa we neewna doole.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Heseki’el 34:4

Nu yablee we yooyna, nu mbaadnee we njirna, nu njongee we ƥolooxna, nu nquriidee we njaqooxna, nu mbaaƭee we mo’na, ndaa kaa nu ngame a den fa doole fo o ɗom tig.

Filip 2:29

Ndalniteenoo nen o pog nuun no Yaal oxe fo o ɗaay o deyu sik, niw wiin we nandna nen o ten,

YEGIL MBAAX NE YEESU ne Saŋ a bindtuuna 13:20

No ndigil, no ndigil, mexe layaa a nuun ee: Oxuu dalinna oxaa luluuma, mi fa xoox es a dalnu, too dalnaxama, oxe luliidaxama sax a dalnu.»

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Sakari 11:16

O nanangaan, xam sutan saax le o kaynaak oxaa a ƭat um a yongkeerna no paal ke mo’na, waaƭkee we yoqandna, waadinkee we ngaañooxna, topatooxkee we tig a damafuleerna, ndax a ƴaxaa we ngiñna boo a seeñ xa poxos den.»

Mark 7:19

Yaam keene naagee o rokaa no xeeñ um ndaa no fud um, too xan a sutooxel.» Na xa ƭelem axeene, Yeesu kaa layoogu yee ñaamel ke fop a nqoola.

A pi ake 28:2

Waa ngen’ina maaga, a njeg’a na in o laabiir o maak. A ngeƥandan’a a in ngañ maak maa i mbaagna o ndaƭoor in fop, yaam tige kaa deɓoogu, soo a yoonit a cogoñ a maak.

O leetar ole Pool a bindna GIMU WE NGENNA ROM 11:15

Yaam ye Roog a deɓna Yaawuur we, a weta o gom, ndax qeet lakas ke na adna fee fop a njofoor fo ten. A gisatinangaa a den koy, xar na xewkaa? Ndax refkee a qontax ale no xon we?

O leetar ole Pool a bindna GIMU WE NGENNA ROM 14:2

A jega oxaa na xalaataa yee: «Waagaam o ñaam ñaamel kuu ndefna.» Oxe o ngim um a neewna koy, a xalaataa yee: «Saɗiim o ñaam a tegeƴ, tuufe-duufe soom um ñaamaa.»

O leetar ole Pool a bindna GIMU WE NGENNA ROM 14:3

Oxe waagna o ñaam fop koy, baa xeef oxe na ñaamaa ñaamel leng-leng. Oxeene itam, waree o jambaa oxe waagna o ñaam ñaamel kuu ndefna, yaam Roog a jaɓa oxeene kiin.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

Hebre 5:14

Ñaamel meɗu ke o mat, maak we njegun, ta ref we naaɓna a yiif den, ndax da mbaag o njektirand ke faaxna fo ke faaxeerna.