O leetar ole Pool a bindna GIMU WE NGENNA ROM 13:3 - NQAARIIT NE ROOG

³ Oxe na fi’aa paax deyee o saɗar we na maadooxaa. Oxe na fi’aa paaxeer kañ, waru o saɗar a den. O bugangaa ñak o saɗar we na ƭoxaa koy, waraa o fi’aa paax, yaaga xan da kañong.

O leetar ole Pool a bindna GIMU WE NGENNA ROM 13:3 Referans Kwoze

Xa peƭit axe 20:2

Fuux biltooxu no maad kaa nand nen o bumb njogoy, oxuu ɓekuuna teen, kaa xirooxaa.

Xa peƭit axe 14:35

O tag o paax kaa felaa o maad oxe, o tag o paaxaƭaru mat a fuuxnooran.

A cangatin ale 25:1

«A soƥangaa yee goor ɗik kaa ndaawir boo a ngar ndax da ngate’el, fat oxe tooñeerna a ɓoxotel ɓur, soo oxe tooñna a maalel.

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

O leetar ole Pool a bindna GIMU WE NGENNA ROM 13:2

Ten taxu, oxuu fañna o nanan oxe na maadooxaa, a faña ke Roog a dalinna. Faafañ weene koy, a naanga o qicaa hate took den.