O leetar ole Pool a bindna GIMU WE NGENNA ROM 13:2 - NQAARIIT NE ROOG

² Ten taxu, oxuu fañna o nanan oxe na maadooxaa, a faña ke Roog a dalinna. Faafañ weene koy, a naanga o qicaa hate took den.

O leetar ole Pool a bindna GIMU WE NGENNA ROM 13:2 Referans Kwoze

1 Piyeer 2:13

Yaam o Yaal oxe, njaɓanyo we kelfa’na wiin we, ta ref o maad oxe jegna sañ-sañ fee hupna

Tiit 3:1

Wetandi gimu we, da nanan maat ne fo ke da ngebleel, a njaɓan a den, a njofnoox na pi a paax.

Saak 3:1

Fog es, baa mayu na nuun a ndiirooxaa o njangnik fa lay fee Roog, yaam nu anda yee, paam Roog, in we na njangnaa na moƴkaa o ƭomiɗ wiin lakas we hate.

O leetar ole Pool a bindna GIMU WE NGENNA ROM 13:5

Ten taxu we na maadooxaa a mbar o nananel, refee soom yaam o ƴufaa fuux le Roog, ndaa ndax yiif of a waag o dal.

Mark 12:40

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

YEGIL MBAAX NE YEESU ne Lik a bindtuuna 20:47

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

A sutax ale 16:8

Moyiis a dakooxahina o lay ee: «O yaar o Yaal oxe a ci a nuun a tegeƴ akaa nu ñaamna soo o feet nqes ta ci a nuun puuru kaa nu ñaamna boo ngiñ, yaam o Yaal oxe a nana o nqasan onqe nu nqasanuuna, too sax, kaa andiim ke i ndefna. Refee yee in nu nqasu, ndaa o Yaal oxe.»

O leetar ole Pool a bindna GIMU WE NGENNA ROM 9:19

Xeƈa xam laamtel boog ee: A reftangaa neene, xar Roog a jegu kaa ta ne’na no wiin we? Yaam kaa andiim oxe waagna o xox ke Roog a bugna.

O leetar ole Pool a bindna GIMU WE NGENNA ROM 13:1

Fat oxuu refna a nanan we na maadooxaa no saax le, yaam jegee maat naa inooreerna na Roog. Maat ke ndalneena fop, na Roog a inooru.

O leetar ole Pool a bindna GIMU WE NGENNA ROM 13:3

Oxe na fi’aa paax deyee o saɗar we na maadooxaa. Oxe na fi’aa paaxeer kañ, waru o saɗar a den. O bugangaa ñak o saɗar we na ƭoxaa koy, waraa o fi’aa paax, yaaga xan da kañong.