O leetar ole Pool a bindna GIMU WE NGENNA ROM 13:13 - NQAARIIT NE ROOG

¹³ Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

O leetar ole Pool a bindna GIMU WE NGENNA ROM 13:13 Referans Kwoze

Galati 5:21

A naanga o siisraa itam, too a yeraa a yer a maamu, a ñaamaa kupu, a mbi’aa lakas kaa nandna fo keene. Mexe layaa a nuun ne layit’anuuma a nuun yaaga yee: We na mbi’aa tig nandu neene lamkee Maat ne Roog.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

1 Tesalonik 4:12

ndax nu ndef wiin waa a pesoorooƭ den a jofna mbaambir no gimeer we. Neene, nu ngaɗkee a qoox nuun no leng.

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

1 Tesalonik 5:17

Naangyo o nqeɗaa ñaal fo o yeng,

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

2Saŋ 1:4

Ye ga’uuma yee a jega na xa ƥeef waa na ndeefaa ndigil ne Faap fee a hebilna a ndeer in, sawar’aam lool.

Saak 4:5

Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Filip 2:3

Baa eetatir a ɓek a nuun na dara, mbaat nu mbi’aa tig ee ndax nu ƥoxotel o ndam o njegee xoox. Fat a neewandax a ref na nuun, nu ƭeetaa lakas we nen gartu a nuun took.

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Galati 5:19

Ke cer ke yaawaa koy a ande a paax. A pi ake den ndefu: Ceeq fo qoolaƭaru fo caasaay

A pi ake 2:15

Wiin weeke mbayee ne nu mboogtuuna. Njeeƈ-tanqin ne soom oo.

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Xa peƭit axe 23:20

Ba o moof a ndeer no yeeyer we, mbaat a ndeer no we nquuñooxna na tegeƴ,

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,