O leetar ole Pool a bindna GIMU WE NGENNA ROM 13:12 - NQAARIIT NE ROOG

¹² O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

O leetar ole Pool a bindna GIMU WE NGENNA ROM 13:12 Referans Kwoze

Efees 5:11

Ba nu njeg a las a leng na pi a cegee njiriiñ ake no we ndefna kam o niɓaan ole, ndaa nguyityo a den.

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

Esayi 30:22

Xan o ɗeet nen qoolaƭaru xaaliis fee muurna nitaal sexe ke wo fa wurus fee xa taaƴ xa cawe xe wo a soobteena. Xan o ɓax a den nen ƭaaq, lay a den ee: ‹Acayo tafil!›

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

A kim ale na kim ake 2:17

Boo yilmaan le a helko fo yenaa, soo yook ke yee mes, gatiidi, wo xe buguuma bug, ñofi gat took xa coong axe suleena qeeñe-xeeñe, nen mbat mbaat njaf ndeɓ.

Mbeeñil 22:10

Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

1 Korint 7:29

Keeke rek bugum o lay: Jamaane fee miñatee dara, ten taxu fat we njegna rew, a ñoowit nen jegee rew,

1 Korint 10:11

Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Saak 5:8

Nuun itam, muñityo naaga, saƭik, yaam bes fee o Yaal oxe a nomtooxiidkaa a mata.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

2 Piyeer 3:11

Feek keene fop xan a yaqtel neene, a pesoorooƭ nuun fo o reef a Roog nuun boog a mbara o ted.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.