O leetar ole Pool a bindna GIMU WE NGENNA ROM 12:8 - NQAARIIT NE ROOG

⁸ Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

O leetar ole Pool a bindna GIMU WE NGENNA ROM 12:8 Referans Kwoze

2 Korint 9:7

Fat oxuu refna a ci’it ke dalna no xeeñ um, too baa ref fo a tagid a ŋooɓu, baa ref itam fo a yiif-a-ƭak, yaam oxe na ci’taa fo o ɗaay soom Roog a bugu.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

A pi ake 15:32

Yudaa fa Silaas we ndeeƭna joojo’tan a Roog itam, a saƭakinooga fog gimu waa, too a ndif’itaa a den fa lay fa mayu.

A pi ake 13:15

Pitik, a jega oxaa jangna a maak kam safe le no kebil ke fo no safe le no duleer we boo a ƴut. Cinj kaaga, waa no mbind a qeƭ naa a simta da layel ee: «Fog we, nu njegangaa kaa nu mbaare’na mbokatax ne, layeenoo, ndax ta saƭakin a den.»

Hebre 13:24

Fat nu simnanaam we na ƭoxaa a nuun fop, simin itam we mbogna na xeet fee Roog fop. Fog we ngenna kam saax laa Itali, owe simnaa a nuun itam.

Hebre 13:22

Fog we, kaam xeɗaa a nuun keeke: Nan-gilooxyo fo o muñ a ƭelem akeeke na saƭkinaa, yaam ke binduuma a nuun no leetar oleeke jaakee.

Hebre 13:7

Mbetandooxyo wiin waa ƭoxoogna a nuun yaaga, a yegnaa a nuun fa lay fee Roog. Ngorooxyo o ñoowooƭ den, ƭeet ne da nqonitna. Kaam ee fat o ngim nuun a laal onqe da njeg’ina.

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

1 Korint 14:3

Oxe andoona koy ee kaa Yiif le a ci’in, ta waag o jo’tan a Roog, oxaaga, wiin we a daawnaa fa lay Roog, a umbaa o ngim den, a ɓaataa a den njambaar no ngim onqe, a yaalaa a den.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

A pi ake 20:2

A xaaña o jegel olaaga, a saƭakintaa gimu we baare mayu. Ye ta inoorna maaga, a reta Geres,

1 Timote 4:13

Naagi o jangaa a maak a Pind a Tedu ke, fañ o waas, jokaa lakas we, jangnaa boo yaa um garkaa.

1 Tesalonik 2:8

No mbeq o mat i mbugu o cooxit a nuun, refee Yegil mbaax ne Roog soom, ndaa o ñoow in sax, yaam kaa nu ndalood na qeeñ in.

1 Tesalonik 2:3

Waare in no kaa farna na Roog hatee na nax mbaat no tig lakas qooleer mbaat no ƈiƴit.

Kolos 3:22

Nuun faɗ we, nananyo yaal pind nuun no kuu refna na adna fee. Keene koy, baa ref soom na kid den nen waa na mbaaƭaa kaa felna wiin we. Fat nu mbi’an fo xeeñ galagee dara lakas, a refangee o saɗar o Yaal oxe.

Efees 6:5

Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

2 Korint 9:11

Meene nu ndeefkaa njegaa halal tigi na waxtu fuu refna, ndax nu mbaag o laltaa o laabiir nuun na pexey ci’it nuun ke i ndaawnitaa, ndax Roog a ɓoxotel o ngidim.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

O leetar ole Pool a bindna GIMU WE NGENNA ROM 13:6

Ten taxu itam nu mbar o ndabdaa a bateer, yaam fop we ndoxneena o ndabdinooxanaa maat ne, Roog a njalanaa, too a mbara o mbadin calel den ne waritna.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Esayi 64:5

In fop kaa i ndef wiin xoolaƭaru, too o cofel in kaa sibdoox nen liir ndoɗgu. In fop kaa i nandtaa nen a naf a leeƥu, tooñ ke in a maƥ a in nen nqeñ.

Esayi 32:8

Kaa koy, oxe mosna kam a qalaat a mosu a saqaa, too a pi a mosu soom na inan.

Esayi 32:5

O ƥodaxu xe xoykataand garmi, too o naanax oxe fi’kataand o kiin o maak.

O baawaare xe 11:6

Ten taxu duufi ax of nqes teel, too baa xa ƥay of a ƥutnoox boo yaa Roog a yaarkaa, yaam andiro ke na ñaaƴkaa, kene mbaat kaana, mbaat ƭik ke fop a ñaaƴ.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

Xa peƭit axe 22:9

Oxe ranigna kam xan a barke’el, yaam kaa ci’aa o neewu doole xe no ñaamel um.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

A kim a tedu ke 37:21

O soxodu xe kaa rawaa too rabidkee, o cofu xe o mat a yirmaa soo a ci’taa.

A cangatin ale 16:11

soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.

A cangatin ale 15:14

Fat o cooxin fo fud o letu no fop ke o Yaal oxe Roog nuun a barke’itkang, ta ref paal mbaat pambe mbaat bele mbaat biiñ.

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

A pi ake 13:12

Ye gofornoor fee a ga’na ke xew’ina, a gima, too a jaaxiɗ’a na cangin ale jaginna no Yaal oxe.

A pi ake 4:36

A jeg’a koy o Leelewi xaa rim’eena Sipere. O koor oxaaga Yoseef a ne’’e. Apootar we kaa lastitoogun Barnabaas, tekitna yee «Oxe na saƭakinaa».

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.